Meeqqanut kultureqarnermullu ingerlatsivimmi pisortap, assinik ilanngussatsinnik assiliisup Kunuunnguaq Fleischerip, ima allaffigaatigut:
Tujuuluaqqat sungaartut peqataasunut tamanut agguaanneqarput, puussiarsuarmillu immeeriarlutik tunniussigaangamik tamatigut eqquiniutissaminnik tunineqartarput. Saliinerup kingorna tamanut kaffeqarlunilu kaageqarpoq, tunissuterpaalussuillu illoqarfimmi Danmarkimilu suliffeqarfiit tunissutaat kommunillu nammineq tunissutai eqquiniutigineqarput, eqqugassallu pingaarnersaraat assiliivik digitali Nikon Coolpix 4500.
Saliinermi peqataapputtaaq tikeraat, soorlu nipilersortartut qangatullu qitittartut Hillerødimeersut.
