|
Nittartagaq ”Chemical Days” atuartitsinermi atortussanik akeqanngitsunik Miljøstyrelsemit suliaritinneqarsimasunik imaqarpoq. Atuartitsinermi atortussat atuarfimmi klassinut annernut tunngatitaapput kemiimik atuartitsissutaallutik, kisiannili aamma tamalaanik atuartitsinermi atorneqarsinnaallutik. Oqaatsinik ilinniartitsinermut aamma piukkunnaateqarluarput – oqaatsinut 19-inut nutserneqarsimagamik! Pissutsit piviusut oqaaqqissaarinertalernagit Siunertaq pingaarneq tassaavoq inuusuttuaqqat kemikaalianik atuinerup tungaatigut tamatigoornerusumik isiginneriaaseqalernissaannut ikiornissaat, soorlu pisariaqartunik pisariaqarpianngitsunillu immikkoortitsisinnaaleqqullugit. Ileqqorissaarnissamik oqaaqqissaarisoqanngilaq. Atuartut pissutsinik piviusunik saqqummiussiffigineqarput, taavalu namminneq isummissapput. Nioqqutissiat pillugit paasissutissat Nittartagaq nioqqutissiat pillugit paasissutissanik imaqarportaaq, ilaatigut atuarneqarsinnaalluni læbestiftit asiunaveersaatinik akoqartut sapigaqalersitsisinnaasunik avatangiisinullu ajoqutaasunik. Inuusuttunut atuagassiat pillugit immikkoortumi allaaserineqarpoq atuagassialiornermi kemikaaliat qanoq atorneqartarnerat. Nutsanut qapuusiat, quliutit tipigissaatillu akui allaaserineqarput. Aammalu sunaaffa mobiltelefonit stoffinik assigiinngitsunik avatangiisinut ajoqutaasinnaasunik akoqartartut. Nioqqutissiat allaaserineqarnerisa saniatigut qanoq misileraasoqarsinnaaneranik suleriaasissanillu siunnersuuteqarpoq, nalorsitsaaruteqarluni ilinniartitsisunullu najoqqutassiaqarluni.
Navianaatilinnut ilisarnaatit ilisimaarilikkit
Imaluunniit Fynimi 9. klassimi atuartut ilinniartitsinermi atortussianik taakkuninnga atuinermikkut qanoq pissarsiaqarsimanerannik atuagassiap ”MiljøDanmark”-ip normuani kingullermi allaaserisaq atuaruk.
http://www.mst.dk/udgiv/12140000.htm
|
