Kommunini suliassaqarfiit
Kommunit pillugit
KANUKOKA-mit
Pikkorissarnerit ataatsimiinnerillu
17.07.2012 Forvaltningsret 10.10.2012 Ingerlatsinermut inatsisit Kvalitet i sagsbehandling Lederkursus for skoleledere Personlig udvikling

Serpartaatit silami atukkit

Serpartaatit, sprayit, juullimi pinnersaatissiat arlallit akoqarput arrorsaatinik najuussoraanni uissanngulersitsillutillu, niaqorlulersitsillutillu anersaartuutinut ippinnarsinnaasunik. Kaammattuutigineqarpoq juullimi serpartaatit tamakku qillaalasunik, kuultiusanik, siilviusanik, kanngussaasanik aputaasanillu imallit taamaallaat silami atorneqartassasut.

Danmarkimi avatangiisinut pisortaqarfik Miljøstyrelse serpartaatit tamakkua akuinik misissuisitsisimavoq, aammalu nunatsinni Avatangiisinut Pinngortitamullu Pisortaqarfiup kaammattuutigineqartut tapersersorpai.

Serpartaatit juullimi pinnersaatissiat atoraanni imaaliortoqartariaqartoq kaammattuutigineqarpoq:

  • Qillaalasut, kuultiusat, siilviusat imaluunniit bronziusat tamatigut silami atortakkit. Tamakku arrorsaatinik organiskiusunik akoqartorujussuugajupput. Serpartakkatit silami panersikkit.
  • Serpartaatit aputaasanik imallit sapinngisamik minnerpaamik illup iluani atukkit, aamma tamakkua akui nalorninartoqarsinnaammata.
  • Meeqqat serpartaatinik atuisinnaveersaakkit.
  • Serpartaat kiinnannut qanillisinnaveersaaruk.
  • Amit serpartarniaqinagu – aaqqateqartarit. Serpartaatit amermut ippinnartunik akoqarsinnaagamik.
  • Innermut allanullu ikuallajasunut qanittumi atornaveersaakkit. Ikuallajasunik akoqarsinnaapput.

    Tassa imaappoq serpartaatinik juullimi pinnersaatissianik atuineq unitsittariaqanngilaq, kisianni tamakku isumatusaartumik mianersortumillu atugassaapput – taamaallaat silami atortariaqarput.

    Miljøstyrelse nalunaarpoq angajoqqaat allallu serpartaatinik tamakkuninnga illup iluani atuereersimasut ernumasariaqanngitsut. Arrorsaatit organiskiusut paneriartornerminni nungusarput navianarunnaarlutillu. Taamaallaat sivisuumik najuussoraanni iluarsineqarsinnaanngitsumik ajoqutigineqalersinnaasarput.

    Nalunaarusiaq "Kortlægning og eksponering af kemiske stoffer i julespray" uani atuarneqarsinnaavoq: www.mst.dk/kemi/02050100.htm. Miljøstyrelsep siunnersuutai aamma adressimi tassani atuarneqarsinnaapput.
    Miljøstyrelsep tusagassiorfinnut nalunaarutaa uani atuarneqarsinnaavoq: www.mim.dk/nyheder/presse/Dep/1202_julespray.htm

    •