|
Pilersinniakkami ungasinnerusoq isigalugu anguniagaavoq sananeqaatinik ozoneqarfimmik nungujartortitsisunik aamma gassinik silaannarmik sakkortuumik kissakkiartortitsisunik Kalaallit Nunaanni atuinerup annikillisinnissaa. Qanittoq isigalugu anguniagaavoq Montreal-protokol’ip aamma Klimakonvention’ip sananeqaatinik atuinerup qinngornernillu aniatitsinerup nalunaarutigineqartarnissaannik piumasaqaataata eqqortinneqarnissaa. Pilersinniakkami angusarineqartut UNEP’s Ozone Secretariat’ip aamma UNFCCC (klimapanelip) nalunaaruteqartarnissamik piumasaata qanittoq isigalugu eqqortinnissaanut atorneqarsinnaapput. Angusarineqartut aamma Kalaallit Nunaanni gassinik silaannarmik sakkortuumik kissakkiartortitsisunik sananeqaatinillu ozoneqarfimmik nungujartortitsisunik atuinerup allanngoriartornerata malittarineqarnerani avatangiisit pillugit oqartussaasut sulineranni atorneqarsinnaapput. Pilersinniagaq Miløstyrelsip sananeqaatit ozoneqarfimmik nungujartortitsisut gassillu silaarnnarmik sakkortuumik kissakkiartortitsisut tungaatigut suliniutaanut tapertaasussaapput, nalunaarsuinerillu Miljøstyrelsip Danmarkimi atuinermik qinngornernillu aniatitsinermik nalunaarsuineranut atatillugit ingerlanneqarlutik. Pilersinniagaq Miljøstyrelsip ”Issittumut Avannarlermut Avatangiisigut Tapersiineq”-mik taallugu ingerlassaanit tapiiffigineqarpoq. |
