Suliniutip killiffia - 2006-ip upernaavani angusarissat

Suliniutit ingerlasimanerat kommuninilu suut ingerlanneqarsimanersut pillugit paasissutissat, suliffeqarfinni aalajangersimasuni naatsorsuutit qorsuit, kiisalu atuagaaraq avatangiisit pillugit siunnersuutinik sipaarutaasinnaasunillu imaqartoq uani atuarneqarsinnaapput.

Naatsorsuutit qorsuit kommuninilu avatangiisinik aqutsineq Sisimiut Qaqortullu kommuniisa suliniutigalugit 2004-mi aallartippaat. Najugaqarfinni aalajangersimasuni, meeqqerivinni qatserisartoqarfinnilu suleqataasut soqutiginnittullu ukioq ataqatseq sinnerlugu inaallagissamik, kiassarnermut imermillu kissartumik atuinerit malittarisimavaat. Naatsorsuutit qorsuit siulliit 2006-ip upernaavani saqqummiunneqarput.

Suliniummit misilittagaalersut makkuugallartut atuarsinnaavatit:

· kommunini suliniutip ingerlasimanera suullu ingerlanneqarsimanersut – una tooruk
· suliniut pillugu atuagaaraq, tassani takuneqarsinnaallutik naatsorsuutit qorsuit nassuiaataat avatangiisillu pillugit aqutsineq – una tooruk
· najuagaqarfinni sipaarutaasinnaasut avatangiisillu pillugit atuagaaraq – una tooruk

Sisimiuni Sanaartornermik Ilinniarfimmit naatsorsuutit qorsuit siulliit aamma atuarsinnaavatit, kalaallisut, qallunaatut tuluttullu saqqummersissinnaavatit – una tooruk

Suliniut aallaavigalugu 2006-imi suliassat makku pilersaarutigaagut:

· Najuagaqarfinnit suliffeqarfinnillu naatsorsuutit qorsuit (juuni 2006)
· Naatsorsuutit qorsuit avatangiisillu pillugit aqutsinermi Sisimiut Qaqortullu kommuniini ingerlatassatut pilersaarutit (decembari 2006)
· Suliniarnermit misilittagaalersut / naatsorsuutit qorsuit atorlugit aallartilluarit – naatsorsuutit qorsuit avatangiisillu pillugit aqutsinermik pilersaarusiorneq
· Suliniarnermit misilittagaalersut / qarasaasiamit paasissutissanik pissarsiorlutit aallartilluarit – naatsorsuutit qorsuit pillugit qarasaasiamit paasissutissanik katersineq.
· Miljøstyrelsemut nalunaarusiorneq.

Siunertaa

Suliniarnermi anguniarneqarpoq naatsorsuutit qorsuit avatangiisinillu aqutsinerit pillugit kommunit marluk aallaavigalugit assersuutissanik, periutsinik misilittagaalersunillu assersuutissanik ineriartortitsineq, tamakkuninngalu Kalaallit Nunaata sinnerani kommuninut ingerlatseqqinnissaq.

Siunissaq ungasinnerusoq eqqarsaatigalugu anguniagaq tassaavoq suliniutini sullivinnilu kommuninit ingerlanneqartuni naatsorsuutit qorsuit avatangiisillu pillugit aqutsinerit ingerlatilernerisigut atortussanik atuinerup inuillu periartarnerisigut avatangiisinik atornerluisinnaarup Kalaallit Nunaanni minnerulersinneqarnissaat.

Suliniut aallartinneqarpoq aggusti 2004-mi naammassineqassallunilu decembari 2006-imi. Suliniummi ingerlatseqataapput Qaqortup Siumiullu kommunii KANUKOKA suleqatigalugu. Qallunaat Nunaannit suleqatigineqarput Albertslund Kommune, BYG.DTU aamma Hedeselskabet A/S. Qallunaat Nuaanni miljøstyrelse aningaasaliisuuvoq.

Sisimiuni Qaqortumilu suliniutit linkikkut aasinnaavatit