Avatangiisit tungaatigut suliniarnerup ilisimatitsilluartarnissaq ilagaa pingaartorujussuaq.

Suliami ingerlanneqartumi paasinarsisimavoq ulluinnarni avatangiisit tungaatigut suliniarneq pillugu paasissutissiisarnissaq pisariaqartinneqartorujussuusoq. Avatangiisit tungaatigut suliniarnermi innuttaasut siunnerfigisassatut pingaartuupput. Naqitaaraliorpugut angerlarsimaffimmi kiassarnermi, innaallagissamik imermillu ileqqaarnissamik siunnersuutinik pisariitsunik imalimmik. Tassani avatangiisinut iluaqutaasut aamma aningaasatigut ileqqaarutissat sammineqarput.

Naqitaaqqiaq kalaallisut qallunaatullu allagaavoq Kunuk Platoumit assiliartalersugaalluni.

Naqitaaqqiaq akeqanngitsumik internettikkut aaginnariaavoq kommuninilu tamani atorneqarsinnaalluni. PDF-filimi innuttaasut apeqqutissaqarunik sumiiffimmi saaffigisinnaasaannik paasissutissanik ilaneqarsinnaavoq. Taamaaliornianngikkaanni nipitittakkamik ikkussivigineqarsinnaavoq.

Massakkut suliaralugu ingerlapparput naatsorsuutini qorsunni avatangiisit pillugit attaveqatigiinnermut tunngasoq maaji / juuni 2006-imi saqqummersussaq. Aamma naqitaaqqiaq kommunip illuutaani – soorlu meeqqerivinni – sulisunut saaffiginnissutaasoq saqqummersinniarlugu pilersaarutigaarput.