|
Kommunini susoqarsimanera tamakkiinerusumik uani atuarsinnaavat: Qarasaasiamit paasissutissanik pissarsiniartarnissamut pilersaarut piviusunngortinneralu, suliassaqarfiit suut sammiumasallu suut toqqarneqassappat, pilersitsiartorneq qanoq pilersaarusiorneqarsimava, suliniutini kikkut pingaarutilittut inissinneqassappat, kiisalu anguniagaq qanoq saqqummiunneqassava, periuseq suna atorneqarpa angusallu innuttaasusunut kommunimilu sulisunut qanoq saqqummiunneqassappat. Naatsorsuutit ”qorsuit ” - Kommunini suliniutit – Qaqortup Kommunea Naatsorsuutit ”qorsuit ” - Kommunini suliniutit – Sisimiut Kommuniat Kommunini tamakkiinerusumik susoqarpa: Qarasaasiamit paasissutissanik pissarsiniartarnissamut pilersaarut piviusunngortinneralu Naatsorsuutit qorsuit atorlugit ingerlatsiniaraanni atortussanik atuineq avatangiisinullu tunngasut ataavartumik nalunaarsuusiortariaqarput – qarasaasiamit paasissutissanik pissarsiniarnertut tamanna taasarparput. Kommunini qarasaasiamit paasissutissanik pissarsiniartarneq naatsorsuutigisamit ajornakusoortinneqarnerusimavoq. Paasissutissat qarasaasiamit pissarsiarineqarsinnaasut ikittuinnaapput, paasissutissallu atorsinnaassusiat killeqarsimalluni. Taammaammat ukioq siulleq atorniarparput qarasaasiamit paasissutissanik pissarsiniartarnerup aallartinniarneranut pitsaanersunillu paasissutissaateqalernissamik anguniagaqarnermut. Suliniutip ingerlanerani misilittagaalersut tunngavigalugit illuni qarasaasiamit pitsaasunik pissarsiviusinnaasumi aallartinnissaq kajumissaarutigaarput. Naatsorsuutit qorsuit atorlugit ingerlatsiniaraanni atukkat nalunaarsornerat avatangiisinullu tunngasut ataavartumik nalunaarsortariaqarput, nalunaarsuinermi taanna assersuutigalugu illup angissusianik, aserfallatsaalineqarneranik, nutartigassasartaanik il.il. nalunaarsuinernik ilaqartinneqartussaavoq. Qarasaasiamit paasissutissanik qanoq katersinissaq katersanillu sumut toqqorterinissaq eqqarsaatigisariaqarpoq. Nammineq qarasaasiami ecxell ark ineriartortinneqarsinnaavoq, eqqaamalluguli qanoq atorneqassanersoq ilitsersuusiortariaqarmat – allat atorsinnaaniassammassuk. Toqqorsiviusinnaasutut ineriartortinneqariikkat – soorlu programmi Keep Focus atortorissallugit isumatusaarnerussaaq, tassanimi paasissutissat pertujaatsumik toqqorneqarsinnaapput, sulisullu nutaat suliaq siunnersuinerlu nangissinnaavaat. Programmit taamaattut illunit ataasiakkaane ersunik internetikkut paasissutissanik pissarsissutigineqarsinnaapput. Keep Focus pillugu paasissutissat uani atuakkit Suliassaqarfiit suut sammiumasallu suut toqqarneqassappat Kommunitsinni avatangiisinut tunngasut suut suliutigineqassappat? Kommunini illut aalajangersimasutt sorliit nunap immikkoortuiluunniit sorliit aallarniutigalugit suliniarniarpugut? Oqallilluni assortuuginissaat pingaaruteqarpoq. Suliniarnitsinni imeq, kiassarneq, inaallagiaq eqqakkallu aallaaviginiarlugit aalajangersimavugut. Suliaasinnaasut allat aamma eqqartorsimavagut soorlu biilit ingerlaartarnerat, inissiat ukioq naallugu imermik kuuginnartullit, ruujorit eqqakkat aaqqutaat imikorlu igitaq kiisalu naatsorsuutit qorsuit. Suliniutissat sammiumasallu siulliit aallartinnginnerini qarasaasiamit paasissutissanik pissarsiniarneq aamma sumiiffinni avatangiisit avatangiisillu pillugit politikimi tulleriiaarinerit toqqarusussimavagut. Sumiiffinni assigiinngitsuni suliffeqarfiit, atuarfiit illullu allat ilaatigut pulaarsimavagut, taamaaliornitsigut angissusii, aserfallassimanersut avatangiisillu eqqarsaatigalugit qanoq pitsaangorsarneqarsinnaaneri eqqarsaatigalugit. Suliniutinut siullernut pingaaruteqarpoq, suliniutinik soqutigisaqarluartut inuttaatinneqarnissaat. Taamaammat piumasaqataavoq sulisut innuttasulluunniit akornanni suliassamik soqutiginnilluinnartut – soorlu paasissutissanik atuaasartussatut toqqassallugit. Inuit qitiullutik inissitassat ilanngutsinnerat – avatangiisit pillugit aqutsisoqarfimmik pilersitsiartuaarneq Naatsorsuutit qorsuit avatangiisinillu aqutsinissaq inunnik suleqatigiittussanik pisariaqartitsiviussapput – soorlu siuliani eqqaaneqareersutut paasissutissanik atuaasartussat, paasisanik toqqorterisussat ingerlateqqiisartussallu, kiisalu illut, kommunip suliffeqarfiisa, inissiaqarfiit suliffeqarfiillu pillugit siunnersuusiortussat pisariaqartinneqassapput. Taamaammat pisariaqarpoq suleqatigiiffissaq, suliuniummik ingerlatsisussat saniatigut pilersikkiartuaassallugu.
Titartakkami takutinneqarput assigiinngitsunik suliallit Sisimiut Kommuniani suliniummi peqataatinneqartut. Suliniut: Kommunip suliffiutaani naatsorsuutit qorsuit. Pingaaruteqarpoq suleqatigiinni ilaatikkusutat pilerilersissallugit suliassaannullu ilinniartissallugit. Sorpianik suliaqarnissaq, paasissutissiilluarneq suliassallu pilerinarsarlugu takussassiarinissaa pingaaruteqarpoq. Massakkut eqqarsaatigaarput illuni assigiinngitsuni ataasiakkaani qaammatikkarlugit atuaasartut ataasiakkaarlugit qanoq ataavartumik paasissutissanik utertitsiffigisassanerlutifit, taamaaliornikkut kukkunerusinnaasut nikeriarnerillu malunnaatillit ingerlannartumik paasineqarinnaassammata. Naatsorsuutit qorsuit ineriartortinneqarnerat Naatsorsuutit qorsuit illunik kommunillu suliffiutaannik aalajangersimasunik tunngaveqarluni suliat siulliit upernaakkut 2006-imi saqqummiunneqarput. Illut taakkorpiaat aalajangiunneqarput qarasaasiakkut paasissutissanik naammattunik pitsaasunillu pissarsiviusinnaammata. ”Naatsorsuuteerannguit qorsuit” taakku illunut kommunillu sulliviutaannut utertinneqassapput sipaarnissamut avatangiiasillu pillugit suliniutissanik allanik siunnersuutinik ilallugit. Ukiut tamaasa nassiussisarnissaq anguniarneqarpoq, aammalu suliniutinut allanut aqutsisussaqalernermi uuttuutinillu misissuisoqareertillugu ikkussuisoqareertilluguluunniit sulisussat illullu misissuigffigisassat amerliartortinneqarnissaat anguniarneqassammat. Paasissutissiilluarneq suleqatissarsiornerlu Suleqatissarsiaasinnaasut pingaarutillit taassapput illunik atuisut najugaqartullu. Taakkua peqataanermikkut sipaarniutissanik avtangiisinillu pitsanngoriaatissanik nassaarniassapput. Naatsorsuutinik qorsunnik atuisinnaanermik eqqarsarnerup aallaavigaa naatsorsuutit atuisunut/najugaqartunut oqaloqatigiinnermik sulerusussutsimillu pilersitsisinnaanerat. Maannamut suliniummi atuagaaqqamik kalaallisuumik qallunaatuumillu saqqummiivugut, tassani ajornanngitsumik sipaarniutaasinnaasunik siunnersuuteqarpugut. Taanna uani atuarneqarsinnaavoq. Naatsorsuutit qorsuit avatangiisinillu aqutsineq pillugu suliniutissanik ineriartortitsineq Kommunini suleqataarusuttuni tamani pilersaarusiortoqassaaq, qanoq qanorlu sukkatigisumik naatsorsuutit qorsuit avatangiisinillu aqutsineq pillugu ineriartortinneqassanersut, taamaaliornikkut illut atueqatigiikkaallu tamarmik suliniaqataalissammata, aammalu naatsorsuutit qorsuit avatangiisinillu aqutsineq avatangiisit pillugit suliniutinut nalunaarsuutinullu allanut tapertaallutik ingelanneqalersinnaammata. |
