Siunertaq
Pilersinniakkami siunertaavoq eqqaaveqarfiit avatangiisinut tunngasumik akuerisaasarnerat pillugu nakkutilliinermi piumasarineqartunik naammassinnissinnaasumik ingerlatsinermut journaliliornissaq aamma Qaqortumi eqqakkanik passussinermi avatangiisitigut atortussatigullu qitiusumik pissutsit, taakkununnga ilanngullugit passusseriaatsit aamma eqqakkat taamatullu eqqakkat assigiinngitsut immikkuutaartut qanoq allanngoriartornerata, erseqqissumik takuneqarsinnaalernissaat.
Tunuliaqutaasoq
Kalaallit Nunaanni kommunini eqqakkat amerlassusiisa naatsorsorneqartarnerat nalunaarutigineqartarnerallu ileqquunngilaq. Taamaammat eqqakkat amerlassutsimikkut allanngoriartornerat, aamma eqqakkat qanoq amerlatigisut atoqqinneqartarnersut, ikuallanneqartarnersut uninngatinneqartussanngorlugilluunniit inissinneqartarnersut malittarineqarsinnaanngillat.
Qaqortumi eqqakkanik ikuallaasarfiup tigooraaviullu avatangiisinut tunngatillugu akuerisaaneranni paasissutissat taamaattut Avatangiisinut Pinngortitamullu Pisortaqarfimmut (DMN) nalunaarutigineqartarnissaat piumasaqaataanngilaq. Kingusinnerusukkut kommuninut allanut akuersissutaasartuni tamakku piumasaqaataapput.
Qaqortumi eqqakkanik passussiviit qorsunnik naatsorsuusiornissaat ilusilerneqarsinnaavoq imminut nakkutiginnissutaasinnaanngorlugit aamma eqqakkanik ikuallaaviup tigooraaviullu avatangiisinut tunngatillugu akuerisaaneranni nakkutilliinissamut piumasaqaatinut tapertaasinnaanngorlugu. Paasissutissat DMN’imut nalunaaruteqartarnissami pisariaqartinneqartut pissarsiarineqarsinnaapput imminnullu sanilliussorneqarsinnaanngorlugit, nalilersorsinnaanngorlugit nalunaarutigineqarsinnaanngorlugillu naammasseriaannaallutik.
Ingerlassat piffissalersuutillu
|
Ingerlatassap ilaa |
Pilersitaq |
Inaarfissaa |
Unittoornaveersaartitsisoq |
||||
|
Pilersinniakkap allaatiginera - suliarinera akuerineqarneralu |
Pilersinniakkap allaatiginera |
Marsi 2005 - naammasereerpoq |
Ingerlatsisoqarfik, DTU |
||||
|
2003-mi 2004-milu paasissutissat pioreersut tamaasa takussutissiornissaat |
Paasissutissat |
Marsi 2005 - naammasereerpoq |
Ingerlatsisoqarfik |
||||
|
Avatangiisinut tunngatillugu akuersissummi pigineqartumi piumasaqaatit paasiniarnerat |
Allakkiaq |
Marsi 2005 - naammasereerpoq |
Ingerlatsisoqarfik DTU |
||||
|
Qorsunnik naatsorsuusiorneq aamma DMN’imut nalunaarutiginninneq |
Naatsorsuutit qorsuit |
Maaji 2005 - naammasereerpoq |
Ingerlatsisoqarfik DTU |
||||
|
Eqqakkat tungaatigut siunissami periaaseriniakkat oqaluuserineqarnerat – eqqakkanik annikillilerineq, atoqqiineq, katersuineq passussinerlu |
Allakkiaq |
Maaji 2005 - naammasereerpoq |
Ingerlatsisoqarfik DTU |
||||
|
Pilersitsiniarnikkut misilittakkat nalunaarusiarinissaat Kanukoka’llu nittartagaa atorlugu nalunaarutiginissaat |
Nittartakkap nutarternera |
Ingerlaavartumik pisarpoq |
DTU aamma Kanukoka |
||||
