3. Qaqortup Kommuneani kommunep suliffeqarfiutaani qorsunnik naatsorsuusiornissamik nukimmillu ileqqaaruteqartarnissamik pilersitsiniarneq
Siunertaq
Pilersitsiniarnermi siunertaavoq suliffeqarfinni meeqqanut kulturimullu tunngasumik ingerlatsisoqarfimmut atasuni kommunillu allaffeqarfiani teknikikkullu ingerlatsisoqarfimmi innaallagissamik, kiammik imermillu atuinermut qorsunnik naatsorsuusiorsinnaalernissaq, kiisalu Qaqortumi kommunip suliffeqarfiutaani qorsunnik naatsorsuusiorluni avatangiisinullu tunngasumik pitsanngorsaalluni suliap ingerlaqqinnissaanut iliuusissanut pilersaarusiornissaq.
Tunuliaqutaasoq
Meeqqanut kulturimullu tunngasumik ingerlatsisoqarfik Arne Kyed aqqutigalugu kommunip meeqqeriviutaani sisamani, atuarfimmi, atuagaateqarfimmi, ungdomsklubbimi, meeqqanik paaqqinniffimmi katersugaasivimmilu atuinermut paasissutissanik sap. akunnikkaartumik katersuisarsimavoq. Suliaq tamanna ingerlaqqissaaq, aamma kommunip allaffeqarfia Teknikikkullu Ingerlatsisoqarfik ilanngunneqassapput.
Ingerlassassat immikkoortui piffissalersuutillu
|
Ingerlatassap ilaa |
Pilersitaq |
Inaarfissaa |
Unittoornaveersaartitsisoq |
|
Pilersinniakkap naammassinissaanut ingerlatsisoqarfiup pisariaqartunik atuinerata nalunaarsornera pilersinniakkallu naammassineqarnissaanik aalajangerneq |
Allakkiaq |
25/5-05 |
Ingerlatsisoqarfik ok |
|
Inissiaateqarfinni ilaatinneqartuni illuutit pillugit kisitsisit paasissutissallu pingaarnerit nassaaralugit:
|
Allakkiaq |
5/6-05 |
Ingerlatsisoqarfik ok |
|
Najoqqutassap naleqqussarnera (Keep Focus), uuttuutinik atuaanerit ilanngunneqarsinnaaqqullugit |
Najoqqutassaq piareerpoq |
1/3-06 |
DTU |
|
Suliffeqarfiit toqqarneqartut 2003-mi 2004-milu innaallagissamik kiammillu atuinermut akiliutaasa katersorneri nalunaarsornerilu. Atuarfimmi, suliffeqarfinni, atuagaateqarfimmi, klubbimi il.il. 2005-imut tunngasumik paasissutissat katersornissaasa piareersarnissaat |
Allakkiaq |
1/3-06 |
Sumiiffimmi unittoornaveersaartitsisoq, Ingerlatsisoqarfik |
|
Paasissutissanik sap. akunnikkaartumik nalunaarsuineq |
Paasissutissat nalunaarsorneqareerput |
Ingerlaavartumik |
Sumiiffimmi unittoornaveersaartitsisoq |
|
Paasissutissiinissamut pilersaarusiorneq |
Paasissutissiinermut pilersaarut Takuuk: Energiledelse.com |
15/5-06 |
Sumiiffimmi unittoornaveersaartitsisoq, Ingerlatsisoqarfik aamma DTU |
|
Suliffeqarfinni nukimmik atuinermi ileqqaarutissat pillugit naqitaaqqiorneq taassumalu nutserneqarnera |
Allakkiaq |
1/4-06 |
Sumiiffimmi unittoornaveersaartitsisoq aamma DTU |
|
Ingerlaavartumik ilisimatitsisarnissaq |
Naliliinermit allakkiaq |
15/5-06 |
Sumiiffimmi unittoornaveersaartitsisoq, Ingerlatsisoqarfik aamma DTU |
|
Suliffeqarfinni assigiinngitsuni atuinerit aamma ileqqaarniarfiusinnaasorineqartut imminnut naleqqiussorlugit nalilerneqarnerat |
Allakkiaq |
15/5-06 |
Sumiiffimmi unittoornaveersaartitsisoq, Ingerlatsisoqarfik aamma DTU |
|
Suliffeqarfinni 2003-miit 2005-imut innaallagissamik, imermik kiammillu atuinermut qorsunnik naatsorsuusiorneq |
Naatsorsuutit qorsuit saqqummiunneqarnerat |
01/05-06 |
Sumiiffimmi unittoornaveersaartitsisoq aamma Ingerlatsisoqarfik |
|
Kommunip suliffeqarfiutaani nukimmik ileqqaaruteqarnissamut suliniutissat atortussallu pingaarnersiorlugit tulleriiaarnissaat pilersaarusiornissaallu |
Pingaarnersiuilluni tulleriiaarinissamut iliuusissanullu pilersaarusiassamut missiliuut kommunalbestyrelsemut saqqummiutassaq pigineqarpoq |
15/08-06 |
Ingerlatsisoqarfik |
|
Pilersitsiniarnikkut misilittakkat nalunaarusiarinissaat Kanukoka’llu nittartagaa atorlugu nalunaarutiginissaat |
Nittartakkap nutarternera |
Ingerlaavartumik |
DTU |
