Tigooraavimmi ingerlatsinermut nalunaarsuutit avatangiisinut akornutaanngitsuutillugu nakkutilliinermi akuerineqartut, atukkat piumasaqaatillu ukiumoortumik nalunaaruteqarnermi aallaavigineqartarput. Ikuallaavimmi avatangiisinut akornutaanngitsuutillugu akuersinermi nalunaarusiorneq piumasaqaataanngilaq, ingerlatsinermili nalunaarsuutit imarisaanut piumasaqaataavoq nakkutilliinermi oqartussanit takuneqarsinnaassasoq. Nalunaarsuutit nukinnik il.il. pilersitsinermi paasissutissat ilanngunneqarnerani avatangiisinut naatsorsuutit pissarsiarineqartarput.
Ikuallaavimmi tigooraavimmilu ukiut ingerlaffigisaani paasissutissat tamarmik ilanngunneqarsimapput. Taamaattorli 2003-miit 2005-mut ingerlatsinermi nalunaarsuisimanerit ersarinnerpaamik tunngavilersorneqarsimapput.
Siunissami ukiumoortumik nalunaarusiorneq avatangiisinullu naatsorsuutit, ingerlatsinermi nalunaarsuutit tunisassiornermilu paasissutissat aallaavigalugit sananeqartassapput.
KANUKOKA’p inassutigaa kommunit ikuallaavillit tigooraavillillu allat taakku pissuseqataannik ingerlatsinermut journali paasissutissallu nioqqutissiornermut tunngasut aallaavigalugit qorsunnik naatsorsuusioqqullugit.
