Sanaartornermik Ilinniarfik Sisimiuni suliffiuvoq angisooq aamma Kalaallit Nunaanni ilinniarfiit annerpaat ilagisaat. Ilinniarfiup illuutai nutarfasissuupput, tamakkunani imermik, innaallagissamik kiammillu pilersuineq nutaaliatut nalitsinnullu naleqquttutut suliaalluni. Ilinniarfik nammineq kiassaateqarfimminit kiassagaavoq. Kiak radioatorit aamma silaannarissaatit kiammik tigooraaqqittartut atorlugit siammaanneqartarpoq. Innaallagissamik imermillu atuineq ukioq 2002-imiilli sap. akunnikkaartumik uuttorneqartarpoq.

Pilersinniakkap ingerlateriaqqinnissaannut assigiinngitsunik periarfissaqarmat pilersitsiniarnermi suliassaq siulleq tassaassaaq malinnaasitassanik pilersitsineq, taakku pilersinniakkap suup tungaanut ingerlanissaata oqalliserinerani peqataatillugit.

Pilersinniakkap siunertaa

Pilersinniagaq pingaarnernik pingasunik siunertaqarpoq:

• Sanaartornermut Ilinnniarfimmut ilinniartullu ineqarfiinut qorsunnik naatsorsuusiornissaq.
• Ilinniarfiup ineqarfiillu nukimmik imermillu atuinerisa millisinnissaat.
• Pilersinniakkap ilinniarfiup nittarsaannissaanut atornissaa aamma ilinniarfimmi ilinniartut sulisullu avatangiisinik eqqarsaateqarnerulersinnissaat. Ilinniartut akornanni avatangiisinik eqqarsaateqarnerulernissaq pingaartuuvoq, taakkuummata illorsuarmik atuisuusut siunissamilu suliamik aalajangersumik ilinniagaqarsimasussat.

Killiffik

Sanaartornermut Ilinniarfiup naatsorsuutai qorsuit siulliit 2006-imi februaarimi saqqummiunneqarput. Naatsorsuutit qorsuit taakku uani takuneqarsinnaapput aaneqarsinnaallutillu/link. Taakku kalaallisut, qallunaatut tuluttullu allataapput.

Ingerlassat

Ilinniarfik 2003-miilli imermik, innaallagissamik oliamillu atuineq pillugu paasissutissanik Rasmus Eisted ikiortigalugu katersisarsimavoq. Rasmus Eisted ukiup aappaa qiteqqullugu sap. akunneri tamaasa atuineq pillugu kisitsisisinik saqqummiisarsimavoq. Avatangiisini pissutsit iliuuserineqarsinnaasorineqartullu pillugit nalunaarsuinissamik aallartitsiniartoqarpoq DTU-mi ARTEK-imilu ilinniarnertuut pilersitsiniarneri iluaqutigalugit (takuukwww.artek.dk). Assersuutigalugu malugineqarsimavoq innaallagissamik tunngaviusumik atuineq annertoorujussuusoq imermillu atuineq annikilliartortorujussuulluni. Ilinniarfiup avatangiisinut tunngatillugu inissisimanera ARTEK’ip Sisimiut februaarimi 2006 Avatangisit pillugit Isumasioqatigiissitsinerani Naatsorsuutit Qorsuit saqqummiunneqarnerisigut takutinneqarpoq. 2005-imi aalajangerneqarpoq qorsummik pisiortortarnikkut Qorsummik politikeqarnissaq aallartinneqassasoq. Paasissutissanik katersineq 2006-imi annertusineqarpoq aamma ilinniartut ineqarfii ilaalersillugit. Rasmus Eistedip atuinermut uuttuutit tamatumani pisariaqartut tamaasa inuit atuaajartortartut peqatigalugit misissuataartarpai. Malinnaasitassanik ilinniarfimmi suleqataasunik, ilinniartunik sulisunillu inuttalinnik pilersitsisoqassaaq tapersersuinissaq piginneqataalernissarlu anguniarlugit.