Sanaartornermik Ilinniarfiup naatsorsuutaani atuarfiup innaallagissamik, imermik kiammillu atuinera kiisalu eqqagasserinera sammineqarnerupput. Taakkua erseqqissumik takutippaat assersuutigalugu atuarfimmi innaallagissamik atuinerup tunngavia sammineqarnerusariaqartoq. Naatsorsuutit qorsuit 2005-imut tunngasut ukiut tamaasa taamaattunik saqqummiisalernissamut tunngaviliisuuniartussaapput, tamakkunanilu atuarfiup atuartullu ineqarfiisa avatangiisinik sunniisarnerata uuttornissaanut attuumassuteqartut pisariaqartut tamaasa ilannguttarniarneqarput. Naatsorsuutit qorsuit Rasmus Eistedip suliarai.