Kommunip illuutaanut naatsorsuutit qorsuit - una tooruk

Ingerlatassat immikkoortui piffissalersuutillu

Ingerlatassap ilaa	Pilersitaq	Killiffiup inaarfissaa	Unittoornaveersaartitsisoq
Pilersinniakkap naammassinissaanut ingerlatsisoqarfiup pisariaqartunik atuinerata nalunaallineqarnissaa	Allakkiaq	25/5-05 Ok	Ingerlatsisoqarfik
Pilersinniakkap immikkoortunut killilersorneqarnissaa	Allakkiaq	25/5-05 ok	Ingerlatsisoqarfik
Illuutini immikkoortumi 1-imi ilaatinneqartuni kisitsisit paasissutissallu pingaarnerit nassaaralugit: Ukioq sananeqarfiusoq Kiassakkap initussusia Atuinerup allanngorarnera Kiammik uuttuisarnerup pitsangorsaatigisinnaasai, soorlu nal. akunnerinut kissarsuutip ingerlaffiinut uuttuusiinikkut	Allakkiaq	5/6-05 ok	Ingerlatsisoqarfik
Najoqqutassap naleqqussarnera (Keep Focus), uuttuutinik atuaanerit ilanngunneqarsinnaaqqullugit	Najoqqutassaq piareerpoq		DTU
Illuutit immikkoortumi 1-imi ilaatinneqartut 2003-mi 2004-milu innaallagissamik, imermik kiammillu atuinermut akiliutaasa katersorneri nalunaarsornerilu.	Paasissutissat nalunaarsorneri ivertitikkat	15/6-05 ok	ingerlatsisoqarfik
2005-imi innaallagissamik, imernik kiammillu atuineq pillugu paasissutissanik nalunaarsuineq	Paasissutissat nalunaarsorneri ivertitikkat	30/6-05-imiit ingerlaavartumik	Ingerlatsisoqarfik
Suliffeqarfinni paasissutissanik katersiuarneq	Paasissutissat excel-arkimut	Ingerlaavartumik	Ingerlatsisoqarfik
Paasissutissiinissamut pilersaarusiorneq	Paasissutissiinermut pilersaarut	15/5-06	Ingerlatsisoqarfik aamma DTU
Suliffeqarfinni nukimmik atuinermi ileqqaarutissat pillugit naqitaaqqiorneq taassumalu nutserneqarnera	Allakkiaq	1/5 06	DTU
Suliffeqarfinni ingerlaavartumik paasissutissiisarneq	Naliliinermi allakkiaq	1/10-06	Ingerlatsisoqarfik aamma DTU
Pilersitsiniarnermi killiffik naliliinerlu Immikkoortoq 2-mi illuutinik/suliffeqarfinnik allanik ilanngussinissap isummerfiginissaa	Allakkiaq Illuutit ikinnerusut pitsaanerpaanik paasissutissaqarfiusut atorlugit ingerlaqqissaagut	15/1-06	Ingerlatsisoqarfik aamma DTU
Suliffeqarfinni assigiinngitsuni atuinerit aamma ileqqaarniarfiusinnaasorineqartut imminnut naleqqiussorlugit nalilerneqarnerat	Allakkiaq	15/05-06	Ingerlatsisoqarfik aamma DTU
Suliffeqarfinni immikkoortumi 1-imi 2003-miit 2005-imut innaallagissamik, imermik kiammillu atuinermut qorsunnik naatsorsuusiorluni saqqummiussineq	Naatsorsuutit qorsuit saqqummiunneqarnerat	01/05-06	Ingerlatsisoqarfik aamma DTU
Kommunip suliffeqarfiutaani nukimmik ileqqaaruteqarnissamut suliniutissat atortussallu pingaarnersiorlugit tulleriiaarnissaat pilersaarusiornissaallu	Pingaarnersiuilluni tulleriiaarinissamut iliuusissanullu pilersaarusiassamut missiliuut kommunalbestyrelsemut saqqummiutassaq pigineqarpoq	15/10-06	Ingerlatsisoqarfik
Pilersitsiniarnikkut misilittakkat nalunaarusiarinissaat Kanukoka’llu nittartagaa atorlugu nalunaarutiginissaat	Nittartakkap nutarternera	Ingerlaavartumik	DTU

Killiffik

Ingerlatsisoqarfik kommunip illuutaani paasissutissanik ukiup ataatsip ingerlanerani katersuisimavoq:

Malittarineqarpoq arki pingaarnertut inuttaasoq isumaqatigiissuteqarfigalugu assaannarmik immersugassaq amma mailikkut, faxikkut namminerluunniit ornigulluni Ingerlatsisoqarfimmut nassiunneqartussaq, kisitsisisit tassannga ivertiterneqassammata.

Arktisk Ingeniør, BYG.DTU-imi ilinniarnertuut suliffeqarfinni pingasuni innaallagissamik, oliamik imermillu 2005-imi upernaakkumiit atuinermik 2005-imi novembarimi misissuisimapput. Ilinniarnertuut aamma suliffeqarfinnut pulaartarsimapput aamma Sanaartornermut Ilinniarfimmiit teknikikkut paasisimasaqarluartunik ilaqarlutik. Taama pulaartarnerni illuutit atortulersuutaat misissorneqarput, sulisuusut atueriaasii illuutinillu allatigut atuineri pillugit apersorneqarlutik. Kiisalu aamma pilersinniakkami naqitaaqqiami ileqqaarutissatut siunnersuutit qanoq naleqqutsigineri pillugit sulisut oqaloqatigineqarput suliffeqarfinnut ileqqaarnissamik siunnersuusiornissaq siunertaralugu.

Misissuinermi peqataanissaq suliffeqarfinni tamani soqutigineqarpoq. Suliffeqarfiit ilaanni atuineq alaatsinaaqqissaarneqarpoq, ilaannili allani alaatsinaanneqartorsuunani. Misissuinermi atueriaatsikkut, ingerlatsinikkut aserfallatsaaliuinikkullu iliuuseqarfigineqarsinnaasut arlallit paasineqarput.

Sisimiut Kommuneata kommunip suliffeqarfiutai qulit pitsaanerpaanik paasissutissaqarffiusut maanna toqqarsimalerpai. Suliap ingerlateqqinnerani uku sammineqarnerussapput:

Qatserisarfik	Biiliisivik allaffiillu
Meeqqerivik	Nuka
Meeqqerivik	Mikisoq – taamaallaat innaallagiaq
Meeqqerivik	Naja/Aleqa
Meeqqerivik	Naalu
Meeqqerivik	Ungaannguaq
Katersortarfik	Innuttaasut illuat
Sunngiffimmi najortagaq	Naasoq pilersinniakkap ilaa
Utoqqaat illuat
Sannavik	Pisinnaannginnerusunut sannavik
Meeqqerivik	Nuniaffik

Paasissutissanik katersineq

Kommunip illuutaani paasissutissanik katersiniarneq ilimagisamit pisariunerusimavoq.

Ingerlatsisoqarfiup tamakku sumiiffinni pingaarnertut inuttaasunit pissarsiariniarnerat ajornartorsiutigisarsimavaa.

Uuttuinerit tamarmik naammattumik pitsaassuseqanngillat. Suliffeqarfinni pingasuni taakkunani pulaartarnerit ersersippaat sulisuusut uuttuutinik atuaanissaminnut naammattumik piginnaanngorsarsimanngitsut. Soorlu paasineqarpoq sulisuusut uuttut kukkusoq atuarsimagaat, aamma uuttuutit ilaat arlallit atuaruminaatsuusut, soorlu assersuutigalugu nalunaaqqutaasani decimalit ilanngullugit atuarneqartussaapput.

Paasissutissat piffissani akuttoqatigiiaani katersorneqartarsimanngillat, imaappoq qaammatit tamaasa, ullormi aalajangersumi.

Aamma paasissutissat tunngaviusut pissarsiariniarneri ajornartorsiornarsimapput.

Ingerlatsisoqarfiup nalunaarsuisorpassuit qaammatit ikittunnguit akunnilertarlugu akissuteqarfigisarusuppai.

Kommunip illuutaani paasissutissanik katersinermut aamma qorsunnik naatsorsuusiornissamut pilersaarutissatut siunnersuut.

Kommunip illuutai kinguleriiaallugit ilanngussorneqassapput nukiit misiligutaasuni paasissutissat pitsaasuunissaannut atorneqarniassammata. Tamakkunani naatsorsuutit qorsuit illuutini allani paasissutissanik katersinermi kajungilersitsissutissatut aallaavigineqassapput.

Ingerlatsisoqarfiup paasissutissat nutaanerpaat exel atorlugu DTU-mut nassiuttassavai – taavalu paasissutissat tunngaviusut aamma paasissutissat amigaataasut allat katersortassallugit.

DTU 2006-imi upernaakkut suliffeqarfinnut qulit miss. qorsunnik naatsorsuusiussaaq, Ingerlatsisoqarfiup paasissutissanik naammaginartunik pissarsisinnaanera apeqqutaatillugu, tassalu paasissutissat tunngaviusut ilanngullugit. Siunnersuutissat Ingerlatsioqarfik suleqatigalugu oqaluuserineqarlutillu inaarsarneqartassapput. Taakku tassaassapput naatsorsuutinut qorsunnut misiliutissat. Siunnersuutigerusupparput Ingerlatsisoqarfiup suliffeqarfiit peqataasut quliusut taakku pulaassagai uuttuinerit takkussortut pitsaasuunissat qulakkeerniarlugu.

Paasissutissat aamma paasissutissat tunngaviusut pissarsiarineqarsinnaappata illuutit allatut pissusillit ilanngunneqarsinnaapput – paasissutissat pitsaasuunissaat qulakkeerneqassaq.

Naatsorsuutit misilittakkallu siulliit tamakku tunngavigalugit illuutit allat paasissutissanik peqqissaartumik katersuiffiusussat toqqarneqassapput. Inassutigineqarpoq illuutit qorsunnik naatsorsuusiornermi ilanngunneqartut tamaasa pulaarneqartassasut kisitsissutaat nalunaarsorlugit sulisuilu ilitsersorlugit.

Illuutit allat paasissutissanik pissarsiorfigissallugit uuttuutinillu atuaavigissallugit ajornakusoortut kinguartinneqassapput.

Iliuuserineqarsinnaasut allat

Nukimmik avatangiisinillu nalunaarsuineq. Suliffeqarfinni peqataatinneqartuni sulisut paasissutissineqartarnissaannut nalunaarsuisarnissamullu periaasissamik pilersitsisoqarnissaa inassutigineqarpoq.

Attavigisassaliineq. Naatsorsuutit qorsuit illuutinilu avatangiisinut tunngasumik sulinerup attavigisassalernissaannut pilersaarusiornissaq inassutigineqarpoq. Soorlu immaqa nukimmik ileqqaarnissamut akisussaasussamik toqqaanikkut, taanna paasissutissiinerani avatangiisinullu tunngasumik sulinerani tapersersorlugu, immaqalu soorlu pikkorissariartortillugu.

Ilisimatitsisarneq. Inassutigineqarpoq suliffeqarfinni avatangiisinut tunngasumik suliaq pillugu amerlanerusunut - soorlu assersuutigalugu angajoqqaanut – ilisimatitsisarnissamut isumassarsianik tapersersuutissanillu suliaqartoqassasoq.

Avatangiisit pillugit perorsaaneq. Atuarfinni meeqqerivinnilu avatangiisit pillugit perorsaanikkut meeqqanut immaqalu angajoqqaanut aamma atorneqarsinnaasumik pilersitsiniartoqarnissaa naleqqutissaaq. Tamatumunnga sinaakkusiunneqarsinnaasoq tassaavoq unammisitsisarnissaq, soorlu suliffeqarfiit assigiinngitsut akornanni, taavalu ajugaasut meeqqanut sulisunullu misigisaqarfiusinnaasumik akissarsisittarlugit.

Sammineqarsinnaasunik allanik ilangussuineq. Suliffeqarfinni naatsorsuutini qorsunni alloriarfik tulleq tassaasinnaavoq eqqagassiorneq aamma qorsummik pisiniartarneq.