Nunamik mingutsitsineq – Hot-spots

Suliaq ”Kalaallit Nunaanni eqqaavikunik nunaminertalinillu mingutsinneqarsimasunik nalunaarsuineq” 2003 Asiaq-mit suliaavoq tapiisuulluni Avatangiisinut Pinngortitamullu Pisortaqarfik aam-ma Miljøstyrelsen. Nalunaarusiaq uani aaneqarsinnaavoq. Nalunaarut cd-rom-ilu tamarmik paasissutissanik imallit kiisalu qarasaasiakkut saqqummersinneqarsinnaasunik nunap assinginik imallit kommuninut nassiussorneqareerput.

Ilanngussat

Hot-spots ”Kalaallit Nunaanni eqqaavikunik nunaminertalinnilu mingutsinneqarsimasunik nalunaarsuinermi” Asiaq, 2003.

Suliamut ”Kalaallit Nunaanni eqqaavikunik nunaminertalinnilu mingutsinneqarsimasunik nalunaarsuinermi” Asiaq 2003, Asiaq Kalaallit Nunaanni illoqarfinni nunaminertanik mingutsinneqarsimajunnartunik hot-spots nalunaarsuivoq.
Siusinnerusukkut massakkullu mingutsinneqartarsimasutut ilisimaneqartut suliffissuit sannaviillu kiisalu tankersuit uuliaasiviit toqqavii toqqavigisimasaallu nalunaarsorneqarput. Suliap paasissutissartai pissarsiarineqarput Kalaallit Nunaanni suliffiit pineqartut pillugit paasissutissanik katersinikkut tassa tunngaviunngillat mingutsitsisimasoqarneranik misissuinikkut paasisimasat.

Siunertaavoq nunaminertanik mingutsinneqarsimasunik pisariaqanngitsumik atuinissaq, qulakkeerniarlugu nunaminertani mingutsinneqarsimasuni soorlu inissialiortitertoqannginnissaa, pisortat suliffiliunnginnissaat aammalu pinnguartarfiliortoqannginnissaa. Nuna mingutsitaq toqqaannartumik toqqaannanngikkaluamilluunniit atorneqaruni peqqissutsikkut innarliisinnaavoq. Assersuutigalugu akuutissat ulorianartut aalai illut toqqavii pitarlugit qaffakaasalersinnaapput illup iluata silaannaluutaasumik.

Nalunaarsuineq kommunini sakkussatut takorloorneqarpoq: pilersaarusiornermi tunngaviit pitsanngorsarniarlugit, sanaartornermi sulianik ataasiakkaanik nalilersuinermi atorneqartartussatut imaluunniit nunaminertat tunniunneqareersut atuuffissaat qajannarnerusunut atugassanngortinniarneqartillugit sakkussatut. Nalunaarsuineq aamma Avatangiisinut Pinngortitamullu Pisortaqarfimmi inatsisinik ineriartortitseqqinnermi atorneqassaaq.

Hot-spots-iusinnaasut illoqarfinni taamaallaat nalunaarsorneqarput kiisalu Kangerlussuarmi. Illoqarfinni toqqaviit sanaartorfissat nunaminertallu allanut atugassat amigaataanerpaapput suliffeqarfeqarporlu mingutsitsinerusartunik. Nalunaarsuineq nuna agguloqqissaaqqaarlugu ingerlanneqanngilaq, taamaattumik qularnanngilaq nunaminertanik mingutsinneqarsimajunnartunik allanik suli nalunaarsorneqarsimanngitsunik nassaartoqartarumaartoq.

Nunaminertanik mingutsinneqarsimasunik allanik ilisimasaqaruit uunga kalerriisinnaavutit:

Avatangiisinut Pinngortitamullu Pisortaqarfik,
Postboks 1614, 3900 Nuuk

Nalunaarutigineqassaaq nunaminertap sumiinnera aammalu mingutsitsinerup suminngaanneersimasinnaajunnarnera.