|
Inatsisinik unioqqutitsisumik sanaartornerit nunaminertanillu eqqunngitsumik atuinerit allat qanoq pineqartarnissaannik kommunit ilitsersuukkumallugit Aningaasaqarnermut Pisortaqarfiup pilersaarusiornermut immikkoortortaqarfiata juulimi 1993-imi nassiuppaa allagaq nunaminertanik atuineq pillugu malittarisassanik unioqqutitsaalisitsinermut tunngasoq. Nunaminertanik atuinermut pilersaarusiornermullu aalajangersakkat malinneqarnissaannik nakkutilliineq kommunit isumagisassaraat. Aammattaaq kommunit nakkutilliinerup aaqqissuunneqarnissaanut akisussaapput. Allakkallu pineqartup suliarineqarnerani siunertaavoq unioqqutitsaalisitsinermi kukkuluttornaveersaanissaq. Suliat taamaattut taamaatiinnartariaqartarput – imaluunniit eqqartuussisulersuunneqartariaqartarlutik – kommunimi allaffissornikkut suliarineqarneranni kukkusoqarsimagaangat. Unioqqutitsaalisitsinermi periaatsit pillugit ilitsersuussutit atoriaannaat allakkamiipput, tassaniippullu aamma bilagit assilisassat (najoqqutassat) naleqqussarlugit atorneqarsinnaasut. Tamakku RTF-formatitut pineqarsinnaapput. RTF-formatit allagalerinermut programmini suniluunniit atorneqarsinnaapput. Kalaallit Nunaanni Sanaartornermut Maleruagassanut 1982-imeersunut innersuussutit tamarmik sungaartumik nalunaaqutsigaapput. Maleruagassat nutaat tusarniaassutigineqaqqammerput ilimanarlunilu piffissami qanittumi atortuulersinneqarnissaat. Taamanikkussamut soorunami bilagit eqqartukkavut naleqqussarneqarumaarput. Sanaartornermut Maleruagassanut siunnersuusiaq nassuiaatitaalu e-konferencemi uani atuarneqarsinnaapput: http://www.kanukoka.gl/2004 |
