Sammisitassanik pilersaarusiorneq tassaavoq pilersaarusiornermut sakku imaannaanngitsoq eqqaatsorlu, ajornartorsiorfiusoq pillugu oqallitsitsineq, immikkut pilersaarusiorfigissallugu pisarialik, aallartiteriarniarlugu iluaqutaasumik atorneqarsinnaasoq.

Sammisitassanut pilersaarusiat pilersaarusianit allanit, soorlu assersuutigalugu kommunip pilersaarusiorneranit, allaassutigaat immikkut maleruagassianut atatitaannginnertik.

Sammisitassanut pilersaarusiat nunap ilaani sumiiffikkut suliallu tungaasigut immikkoorutit pitarlugit ingerlanneqarsinnaagajuttarput.

Sammisitassanut pilersaarusiat sammisassanut immikkut ukkannissaat pisariaqalersunut erseqqissaataasarput.

Sammisitassanut pilersaarsiornermi pitsaaqutit pingaartumik makkuupput:

• aalajangersumik pisariaqartitsisoqalerpat aallartinneqarsinnaagami,

• suut suliassanut siumut killileriigaanngikkaluartunut tunngasut toqqakkat immikkkut ukkanneqarnissaannut atorneqarsinnaagami,

- taamaalilluni innuttaasut soqutiginninnerulernerannik pilersitsisinnaalluni, aamma

- oqallinnermik pilersaarusiornermillu naalakkersuinikkut piginniittuunermik pilersitsinissamut periarfissanik nutaanik ammaalluni,

• ajornanngitsumik malitseqartinneqarsinnaalluni makku pillugit aalajangiinernik:

 - naalakkersuinikkut anguniakkat nutaat,

- pingaarnersiuilluni allatut tulleriiaarinerit allanngortitsiniarlunilu suliniutit, aamma

- iliuusissanut pilersaarusiorneq.

Ilitsersuusiaq suliarineqarpoq tunuliaqutaralugu uuminnga suliaqarneq:

Upernavimmi immikkut pilersaarusiaq
Upernavimmi kommuneplanimi nutaami pingaarnertut qulequtaavoq "kommunimi eqqagalerinerup pitsanngorsarneqarnissaa". Pilersaarut Danmarkimi Miljøstyrelsemit tapersersugaasoq pillugu paasissutissat tamalaat maani pineqarsinnaapput.

Ilitsersuusiaq Illuliassanik titartaasartumit Niels Bennetzenimit ilusiligaavoq Miljøstyrelsemit tapiiffigineqarluni.