Pinngortitamik ilitsersuisoqarnerup siunertaata oqaatigineqarnera nassuiaat decembari 2004-meersoq naapertorlugu:
"Kalaallit kulturiat kinaassusiallu aallaavigalugu inuup pinngortitallu imminnut sunneqatigiittarnerata ilisimasassartaanik avammut siaruarterineq".
Asilerisup makkua nassuiarlugillu ilisimasassartaannik siaruarterissaaq:
Asilerisoqarneq ataatsimiititalianik 2005-imi januaarimi pilersitsinikkut aallartinneqarpoq. (Asilerisoqarneq pillugu ataatsimiititaliat ilaasortaat suliassaasalu allattorneqarnerat maani aasinnaavasi)
Asilerisoqarneq Danmarkimi Miljøstyrelsep tapiissuteqarneratigut pilersitaavoq.
Miljøstyrelsen 2005-imi 2006-imilu Kalaallit Nunaanni kommunini pingasuni – Ilulissani, Upernavimmi Sisimiunilu – asilerisunik atorfinitsitsinermi akissarsianut tapiissuteqarpoq.
Miljøstyrelsen 2006-imi 2007-imilu Kalaallit Nunaata Kujataani kommunini pingasuni asilerisunik atorfinitsitsinermi akissarsianut tapiissuteqarpoq.
Ilulissat Kommuniata asilerisuni, Naja Habermann, 2005-imi juunip aallaqqaataani atorfinitsippaa. Ilulissani asilerisoq Ilulissat Katersugaasivianut atasuuvoq. Asilerisup suliamini saaffigisai pingaarnerit tassaapput kommunimi najugallit, pingaartumik meeqqat inuusuttullu, kiisalu takornariat. Asilerisup suliassaasa pingaarnersaraat najukkami innuttaasut (ilinniarfiit, takornariartitsisarneq, peqatigiiffiit, namminersortut il.il.) illoqarfimmut qanittumi asimik, pingaartumik Sermermiunik Kangianillu atuinerannik ataqatigiissaarineq. Tamatuma saniatigut aamma isumagisaraat paasissutissanik siammarterineq, isumannaallisaaneq, tikiffissat nakkutilliinerlu Kangiani eqqissisimatitsinermut aqutsinermullu pilersaarusiami kiisalu Ilulissat Kommuniata takornariat pillugit politikkiani allassimasut.
Ilulissani asilerisoqarnikkut suliap allaatiginera maani takuuk.
Naja Habermann aamma taama aqqissuussinermi ataqatigiissaarisutut toqqagaavoq.
Asilerisoqarnermi ataqatigiissaarisup suliassaasa ilagaat asilerisut – Asilerisut pillugit Ataatsimiititaliat, Avatangiisinut Pinngortitamullu Pisortaqarfiup KANUKOKA’llu akornanni pingaarnerusutigut attaveqaataaneq, asilerisut allat suliassaasigut siunnersorneqartarnerat, Asilerisoqarnermik aaqqissuussinerup ataatsimoorussamik nittartagaanik pilersitsineq aaqqissuinerlu, misilittakkanik paarlaassoqatigiinnissamut periarfissaliinissaq aamma nunami tamarmi asilerisut suleqatigiinnissaat.
Kommuneqarfik Upernaviup asilerisuni, Kim Olsvig Møller, 2005-imi septembarip aallaqqaataani atorfinitsippaa. Upernavimmi asilerisoq kommunip inuussutissarsiornermut allaffianut atatinneqarnerulluni aallartippoq, maannali meeqqanut kultureqarnermullu immikkoortortap ataani kulturikkut illumi aallarterlaami inissisimalluni ingerlalluni.Kim Olsvig Møller maajip 31-anni 2006 suliffimminit tunuarpoq. Upernavik kommunip Martin Hjort oktobarip aallaqqaataani 2006 sulilersussanngorlugu atorfinitsippaa.
Asilerisup sulinerani sullinneqartut tassaanerupput meeqqat nunaqqataasullu allat, aammali takornariat sullinneqarsinnaasunut ilaapput. Asilerisup pilersaarutaasa ilagaat kommunip meerartaanut InuitCampiliornissaq. Suliassai allat ilaatigut tassaapput atuarfiit, peqatigiiffiit innuttaasullu kikkulluunniit allallu asiartinneqartarnerisa aaqqissuullugillu ingerlattarneri, sullissassanut naleqquttunut, soorlu ilinniartitsisunut takornariartitsisartunullu, pikkorissartitsinernik oqalugiartitsinernillunniit pilersaarusiorlunilu ingerlatsisarneq, kommunimi innuttaasunut meeqqanullu atuartunut massakkut sammineqartut pillugit paasisitsiniaanissanik pilersaarusiorneq, suliniutit aamma kommunip nunaqarfiini najugalinnut anngussinnaanissaannik ataqatigiissaarineq, asilerisup suliaanut tunngasutigut innuttaasut oqallinneranni peqataaneq najukkamilu tusagassiuutini saqqumilaarneq.
Upernavimmi asilerisoqarnikkut suliap allaatigineqarnera maani aaneqarsinnaavoq.
Sisimiut Kommunip juunip aalaqqaataani 2006 Kim Olsvig Møller Asilerisutut atorfinitsippaa.
Sisimiuni asilerisoqarnikkut suliap allaatigineqarnera maani aaneqarsinnaavoq.
Nanortallip, Narsap Qaqortullu kommuniisa asilerisoqarnikkut suliamik allaatigisaat massakkut (februaari 06) ASI-mut ataatsimiititaliani nalilersorneqarput akissarsiaqarfinnullu sorlernut inissiinissamik sulianut ingerlanneqartunut tunngavissiissallutik. Asilerisoqarnikkut sulianik allaatigisat asilerisoqarneq pillugu ataatsimiititaliani akuerineqareerunik maani aaneqarsinnaalissapput.
