Qupalorarsuk Asilerisup ilisarnaatigaa upernaakkut tikittarami. Upernaaq tassaavoq inuuneq ineriartornerlu, qupaloraarsuillu tikeqqaartut nuannaarnermik inuunermillu nalunaariartortutut isigineqartarput. Qupaloraarsuk piniagaanngilaq, taamaammallu asilerisoq aallaaniarnikkut piniarnikkullu soqutigisanut akerliunngilaq.
Kommunini asilerisut (piujuaannartitsilluni) inuunermik ineriartornermillu oqariartuutaat taamatut misigerusuttarparput. Finn Lyngep Niels-Henrik Lyngellu tamarmik qupaloraarsuup toqqarneqarsimaneranut assut tapersersuisut oqaaseqaataannik tigusaqarnerput assorsuaq nuannaarutigaarput.
Logoliorluni unammisitsineq
Tassani ajugaatinneqartoq toqqarneqarpoq ima tunngavilikkamik: ”Asilerisup sulinermini tumiliornera taama aaqqissuussinerup sullitassarerpiarmagu. Aamma isikkat tuavioqisut uummaarissutsimik, unammisitsinissap saqqummiunneqarnerani erseqqissarneqartussatut kissaatigineqartumik, takutitsisooqqissaarmata.”
Akissarsiassat siulliat aappaallu Ulla Arlbjørnip pivai.
Akissarsiassat pingajuat Kathrine Schmidtip Anders la Cour Vahl-illu pivaat:
Unammisitsinermi nassiussisunut tamanut qujanaq
Logoliorluni unammisitsinermi peqataasut 19-it nassiussipput. Siunnersuutit torrallataaqisut tamakku akornanni toqqaaniarneq assorsuaq ajornakusoorpoq.
Asi isumaqarpoq suna avinngarusimasoq imaluunniit takkiganiittoq.
Asilerisoq isumaqarpoq kina takkigani angalaartoq
Asilerisoq pinngortitaq, avatangiisit kulturilu pillugit ilisimasanik tunniussuisuuvoq, ilaatigut meeqqanut inuusuttunullu neqerooruteqartarnermigut.
Asilerisup pisuussutit uumassusillit pinngortitallu piujuaannartitsilluni iluaqutigineqarnissaannut ineriartornissaannullu sernissorneqarnissaannik Tulugaq’p oqallitsitsinera unittoornaveersaartitaraa.
Asilerisoq suugami?
Avatangiisinut Pinngortitamullu Pisortaqarfiup (DMN), silami sammisanut Danmarkimi siunnersuisoqatigiit, Friluftsrådet i Danmark aamma KANUKOKA’p peqatigiillutik 2004-mi ilusilersorpaat Kalaallit Nunaanni pinngortitaq pillugu siunnersuisarneq, decembari 2004. Tamanna tunuliaqutsiullugu DMN-ip aamma KANUKOKA’p Danmarkimi avatangiisinik aqutsisoqarfik, Miljøstyrelsen, kommunini pingasuni ukiut marluk ingerlanerini Asilerisoqarnissami akissarsianut aningaasartuutissanut tapissanik qinnuteqarfigaat. Ilulissat Kommuniata taama aaqqissuussineq 1. juuni 2005 aallartippaa, Kommuneqarfik Upernavillu 1. septembari 2005 malinnaavoq. Miljøstyrelsen 2006 eqqarsaatigalugu neriorsuuteqarpoq Qaqortumi Sisimiunilu ulloq naallugu asilerisussanut, aamma Narsami Nanortalimmilu kattullugu ullup affaani sulisartussamut akissarsianut tapiissuteqarniarluni.
Asilerisoq pillugu allanik atuagassaqarpoq uani: www.kanukoka.gl/asi
