Asilerisoq ilisarnaasioruk

10.000 kr.-nik akissarserusukkuit

Asilerisoqarnikkut aaqqissuussineq pilersinneqaqqammerpoq.
Asilerisoq siulleq Ilulissat Kommuniani 2005-imi aasakkut atorfinitsinneqarpoq, ukiakkut Kommuneqarfik Upernavimmi, kommunillu arlallit aamma atorfinitsitsingajalerput.

Asilerisoqarneq ilisarnaammik logo’mik asilerisup suliaanik ersersitsisumik atorfissaqartitsivoq.

Siunnersuutit pitsaanerit pingasut akissarsisinneqassapput
Pitsaanerpaaq: 10.000 kr.-nik, pitsaanerpaap tullia: 5.000 kr.-nik pitsanerpaallu pingajuat: 1.000 kr.-nik.

Logo’p ersersissavaa asilerisup ilisarnaataasa aappaat Qupaloraarsuk.

 
Foto: Lars Witting

Tunngavilersuutaavoq:
Qupaloraarsuup mikisunnguugaluarluni angisuumik oqariartuuteqarnera. Upernalernera kaleriiuttarpaa.
Upernaaq tassaavoq inuuneq naajartornerlu, qupaloraarsuillu tikittut siulliit nuannaarnermik inuunermillu pajuttuusarput.
Asilerisup nungukkiartuutaanngitsumik atuinermik, inuunermik naajartornermillu nalunaarut oqariartuutigisarpaa.
Qupaloraarsuk piniagaanngilaq – Asilerisoq aallaaniarnikkut piniarnikkullu soqutigisanik assortuisuunngilaq
Qupaloraarsuit Asilerisullu uummaarissuupput, sukkasuujullutik qasujaatsuullutillu.

Logo’liassap qupaloraarsummik ersersitsilluartuunissaa asilerisullu suliaani savitussutsimik takussutissiisuunissaa naliliisussatut komitip pingaartittussaavaa.

Siunnersuutiginiakkat allakkat puuannut kiminngaarnneersuneranik takuneqarsinnaanngitsumut ikillugit nassiunneqassapput. Allakkap puuata iluaniissaaq allakkap puua aamma kiminngaanneersuuneranik takuneqarsinnaanngitsoq peqataasup aqqanik, najugaanik, e-mail-adresseanik, oqarasuaataanik il.il. imalik. Siunnersuutiginiagaq tassaasaaq logo’ssatut siunnersuut naammassillugu suliaq, aamma taassuma jakkini/T-shirtini, nittartakkani kiisalu mikisunnguanngorlugu soorlu taartumi qaammasumit seqerneqarlutik qaammartartunut, reflexbrikkinut, naqillugu atorneqarsinnaaneranut assersuutit.

Siunnersuutit kingusinnerpaamik 25. januar 2006 nal. 12.00 tunniunneqassapput.
Unammisitsinermi peqataasut kingusinnerpaamik februaarip aallaqqaataani 2006 toqqaannartumik kalerrinneqassapput.

Asilerisoqarnermut ataatsimiititaliat siunnersuutit tiguneqartut iluarisamik atornissaannut imminnut pisinnaatipput. Unammisitsinermi peqataasut siunnersuummut pisinnaatitaaffiit tamarmik asilerisoqarnermut immikkut akiligassaanngitsumik atugassanngortinneqartut peqataanermikkut akuerissavaat.