|
"Atuagalliutini asilerisup ilisarnaatissaminik unammisitsinilernera tassanilu qupaloraarsuk pingaarnerutitaassasoq takugakku eqqarsarpunga 2004-imi upernaakkut misigisimasara oqaluttuarilaartariaqarlugu . Timmiaaqqat tikeqqaarsimalerneranni nerisitarisaratsigit, allaallumi isumaqartarluta ilaat ilisarisalersimallutigit, aamma 2004-imi majimi taama iliorpugut. Ullulli ilaanni takulerpara qupaloraarsuk toqungasoq, erseqqissunik takussutissartalimmik eqqaamiutta qitsuutaasa ilaannit qaqqorneqarsimasutut . Isumaqarama igiinnarsinnaanagu sulunngui, ungaseqisumit aggernermini ingerlatigisartagai , panerserpakka. Juulleriartulermat mersorpakka pappialamullu qeratasuumut tutsillugit siaartillugit. Juulleriartornera pingaatorsiutigisarakku inngilinnguup suluinut eqqaanartillugit . Malunngikkaluarlugu taamaaginnarluni ilisarnaatissamik unammisitsinermi akuusinnaanngitsoq, taamaattoq nassiuppara, isumaqaraina Asilerisut siunertaannik ajunngitsumik erseqqissaaqataasinnaasoq . Atorf issaqassanngippat inussiarnersumik qinnuigineqarpusi uterteqqullugu." Inussiarnersumik inuulluaqqusillunga Elisabeth Mørch Qupaloraarsuup sului panertitat assiliivimmik assilivavut. Ilumummi allaneqanngillat inngili.
Kitte Vinter-Jensen |
