Maniitsup Kommunia

Qimmit qimuttut kiisalu qimmeqarneq qitsuuteqarnerlu pillugit Inatsisartut inatsisaat § 13, nr. 18, 30. oktober 1998-imeersoq naapertorlugu aalajangersarneqarpoq:

§ 1. Maniitsup kommuneani taamaallaat qimmeqartoqarsinnaavoq aamma qitsuuteqartoqarsinnaavoq Maniitsup Kommuneani kommunalbestyrelsip allakkatigut akuersissuteqareerneratigut.
Imm. 2. Qimmeqarsinnaanermut qitsuuteqarsinnaanermullu akuersissut piniaraanni qinnuteqaat Maniitsup Kommunea, Teknikkimut immikkoortoqarfik, Boks 100, 3912 Maniitsoq-mut nassiunneqassaaq. Qinnuteqaammi uppernarsarneqassaaq uumasut nakorsaannik misissorneqarsimanissaanik aalajangersakkat atuuttut eqquutsissimasut .
Imm. 3. Qimmeqarsinnaanermut qitsuuteqarsinnaanermullu akuersissut tunniunneqartoq inummut akuerineqartumut taamaallaat atuuppoq taamaattumillu allamut tunniunneqarsinnaa-nani.

§ 2. Kommunalbestyrelsip inuit qimmeqarsinnaanermut qitsuuteqarsinnaanermullu qinnuteqartut itigartissinnaavai, sakkortuumik imaluunnit arlaleriarlutik taanna ileqqoreqqusaq unioqqutissimappassuk.

§ 3. Angallatini Maniitsup Kommuneaninngaaneersuni qimmeqartoqaqqusaanngilaq imaluunnit qitsuuteqartoqaqqusaanngilaq.
Imm. 2. Qimmit qitsuilluunniit angallammi allaminngaanneersumiittut Maniitsup kommuneaniinnerminni angallammiitiinnarneqassapput.

§ 4. Qimmit qitsuillu arnavissat kinguaassiorsinnaajunnaarsagaasimassapput, nakorsaatinik imaluunnit pilattarlugit.

§ 5. Qimmit qitsuillu sukkulluunniit inatsisit atuuttut najoqqutaralugit akiuussuserneqarsimas-sapput.

Imm. 2. Qimmit qitsuillu normulikkamik qungaseruteqartinneqassapput, kommunalbestyrelsip qimmeqarsinnaanermut imaluunnit qitsuuteqarsinnaanermut allaganngorlugu akuersissutaanut ilanngullugu tunniunneqartumik.

§ 6. Qimmiup pitussimatittuaannarnissaa inerteqqutaavoq. Qimmeq pitoqqatinneqarpat, pituutaa minnerpaamik 5 miiteriussaaq.

§ 7. Maniitsup Kommuneani kommunalbestyrelse suliassat isumagineqarnissaanik akisussaasussanik sulisunik toqqaassaaq, ukuusunut:
1) Qimmit qitsuillu nalunaarsornissaat.
2) Qimminik qitsunnillu piginnittut nalunaarsornissaat.
3) Qimmit qitsuillu angalaaginnartut aammalu pigineqanngitsut imaluunnit qimmit qitsuillu unioqqutitsillutik eqqussat toqunneqarnissaat.

§ 8. Qimmit qitsuillu angalaaginnartut, pigineqanngitsut aammalu unioqqutitsilluni eqqullugit tigummineqartut toqunneqassapput.
Imm. 2. Toqutsineq, Imm. 1 najoqqutaralugu iliuuserineqartoq, piginnittumut taarsiissuteqarfiussanngilaq.

§ 9. Qimmeqarnermut qitsuuteqarnermullu atatillugu akornutinik naammagittaalliuutit kommunalbestyrelsimut tunniunneqassapput. Malittarisassatigut pissutsit pillugit naammagittaalliuutit Politiinut tunniunneqassapput.

§ 10. Qimmit qimuttut kiisalu qimmeqarneq qitsuuteqarnerlu pillugit Inatsisartut inatsisaat § 28 Imm. 2 najoqqutaralugu peqqussummik unioqqutitsineq akiligassiissutaasinnaavoq.

§ 11. Peqqussut atuutilissaaq ull. 15. september 2005.

Taamaalilluni Maniitsup kommunalbestyrelsiata aalajangerpaa, ulloq 5. juli 2005

Søren Lyberth / Ole Thor Hermansen
Borgmester Kommuneingeniør

Matumuuna Maniitsup Kommuneani qimmeqarnermut qitsuuteqarnermullu malittarisassiaq atortussanngortinneqarpoq.

Namminersornerulutik Oqartussat, ulloq