Nalunaarut nr. 12, 1985 - illut sulliviit pillugit

Landstingip inatsisaani nr. 9 16. novembari 1984-imeersumi § 9 malillugu nuna- qarfinni illunik sullivinnik pilersitsinermut tapiissutit pillugit makku aalajanger- sarneqarput:

§ 1 Namminersornerullutik Oqartussat nunaqarfinni illunik sullivinnik sananermut aningaasartuutit ilaasa matunissaannut kommuninut tapiissuteqarsinnaapput.

§ 2 Namminersornerullutik Oqartussat illut sulliviit innaallagiallit, imillit, kiassaatillit il. il. naleqquttumik katersuuttarfissatut naatsorsuussat nunaqarfinni sananeqarnissaannut tapiissuteqarsinnaapput, illullu makkununnga atorneqarsinnaapput:
1. Atisanik errorsinermut.
2. Uffarnermut.
3. Amermnik errorsinermut suliarinninnermullu.
4. Sanaalunnermut sananermullu.
Imm. 2. Illu sullivik nunaqarfimmiut angerlarsimaffimmi suliassaasa ilaannut oqilisaataassaaq.
Illu sullivik iluaqutaaniassaaq innaallagissiorfiup, imeqarfiup il.il. atorluarneqarnissaannut.
Illu sullivik nunaqarfimmiut ataatsimoorullugu pigaat.

§ 3 Namminersornerullutik Oqartussat tapiissuteqarsinnaapput pilersitsinermut aningaasartuutit 85 procentiinik.
Pilersitsinermut aningaasartuutit sinneri kommuneqarfiup pineqartup nammineerluni akilissavai.

§ 4 Illu sullivik kommunip pineqartup pigaa.

§ 5 Illu sullivik nunaqarfimmiut piffissani aalajangersimasuni atorsinnaassavaat.

§ 6 Kommunalbestyrelse siulersuisunik pilersitsissaaq illup sulliviup ingerlaneranik nakkutilliisussanik.
Bygderådi, kommunalbestyrelse illumillu sullivimmik atuisut siulersuisuni sin- niisoqassapput.

§ 7 Illup sulliviup ingerlanneqarnera pillugu kommune ileqqoreqqusaliussaaq. Ileqqoreqqusaq Namminersornerullutik Oqartussanit atortussanngortinneqassaaq. Kommunip ileqqoreqqusaa imaqassaaq makkua pillugit aalajangersakkanik:
1. Illu sullivimmik siulersuisut nakkutilliinissaannik.
2. Nakkutilliisumut ilitsersuummik.
3. Illu sulliviup atorneranut malittareqqusanik.
4. Illu sullivik pillugu tamanut ammasumik ataatsimiititsisarnermut tunngasu- nik.

§ 8 Kommunalbestyrelsip akisussaaffigissavai:
l. Illup sananerata pimoorussamik aqunneqarnissaa.
2. Illuliornermik nakkutilliisoqarnissaa.
3. Illup sananerata nalaani aamma inernerata kingorna iluamik sillimmasersimanissaa sulissutigissallugu.
4. Illuliorneq ingerlanneqassasoq pilersaarusiaq akuerineqarsimasoq naapertor- lugu.
5. Aningaasat akuerisat atorneqarnerisa nakkutiginerat.
6. Aningaasat sippornissaat ilimanarsissappat Namminersornerullutik Oqartussat akuersissummik piniarfiginissaat.
7. Suliaq naammassippat illuliornermut naatsorsuutit suliarinissaat.
8. Illuliornermut naatsorsuutit Namminersornerullutik Oqartussanut nassiunnissaat.
9. Illuliorneq aallartitsinnagu oqartussat akuersissutissaat pisariaqartut pissar-siarinissaat

§ 9 Kommunalbestyrelse pisussaavoq isumagissallugu nunaqarfimmiut illuliap pilersaarusiorneranut, sananeranut ingerlanneranullu sumul1uunniit peqataanissaannut periarfissaqarnissaat soorlu makku atorlugit: Ataatsimiinnerit tamanut ammasut, politikikkut peqatigiiffiit ataatsimiititalial1u ataatsimiinneri, komitiit ataatsimiinneri, nammineq suliniuteqarneq allattulluunniit iliuuseqarneq.

§ 10 Tapiiffigineqarnissamik qinnuteqaat illup sulliviup sanaffigineqarfissaata kommuniata kommunalbestyrelsianit Namminersornerullutik Oqartussanut nassiunneqassaaq.

§ 11 Aningaasaliissutissanut pilersaarutinut atatillugu kommunip anguniassavaa sananissarnik pilersaarutimi kingusinnerpaamik ukiunik 3-nik sioqqutsisumik nalunaarutiginissaat.

§ 12 Tapiiffigineqarnissamik qinnuteqaat Namminersornerullutik Oqartussanit kingusinnerpaamik pilersaarutip piviusunngortinnissaa ukiumik sioqqullugu 1. maaji tikitsinnagu tiguneqareersimassaaq.

§ 13 Illumik sullivimmik kommunalbestyrelsip qinnuteqaataa paasissutissanik makkuninnga ilaqartinneqassaaq:
1. Nunaqarfimmi toqqavissarsiap assinga nuutitaq.
2. Sanaassap pilersaarusiap allaaserinera titartarnerilu.
3. Sanaassamut aningaasartuutissat ilimagisat pillugit missingersuut erseqqissagaq (sanasunut aningaasartuutissat, maskiinanut aammalu illup iluani pisatassanut assigisaannullu aningaasartuutissat, titartaalluni pilersaarusiornermut aningaasartuutissat, sanaap siulersorneqarneranut aningaasartuutissat, nakkutillinermut aningaasartuutissat il.il.).
4. Ukiumi ingerlatsivimmi siullermi ingerlatsinermi isertitassatut aammalu ani- ngaasartuutissatut ilimagisat pilersaarusiornerat, pilersaarusiat suliarineqarnerani tunngavigineqarsimasut pillugit nassuiaat ilanngullugu.
5. Ukiumi pilersitsivimmi akit akissarsiallu angissusii najoqqutara1ugit aningaa- salersuinissamut pilersaarut.
6. Pilersitsinermut aningaasartuutinit akiliutissani qanoq ililluni akilerniarnerini kommunip nalunaarutaa, aamma ingerlatsinermut aningaasartuutissat pissarsiariniarnerat pillugu nassuiaat.
7. Nunaqarfimmiut illup pilersaarusiorneranut, sananeranut ingerlanneqarneranullu tamarmut peqataasinnaanissaannut periarfissaqarnissaat pillugu kommunip qanoq iliorluni isumaginninniarneranik nalunaarut.
8. Ileqqoreqqusat atortussanngortinniakkat assingat ataaseq. Malittarisassanut missiliuut, ilitsersuutit il.il. ilanngullugit nassiunneqassapput.
9. Siulersuisunut ilaasortat aqqisa nalunaarutigineqarnerat.
10. Illuliornermut oqartussat, peqqinnissamut oqartussat, sulinermik nakkutilliisut aamma oqartussat allat akuersineri.
11. Pilersaarusiornerup ingerlanneqarnissaa pillugu piffissarnik pilersaarut.

§ 14 Namminersornerullutik Oqartussat nalunaarutigisinnaavaat paasissutissat suut §§-ini 11 aamma 13-imi taaneqarsimasut saniatigut nassiunneqassanersut.

§ 15 Akuersissuteqarneq naapertorlugu Namminersornerullutik Oqartussat ukiumi sanaassap aallartiffissaani 1. januaari nallertinnagu qinnuteqartoq tapiissutinik neriorsuutaagallartunik nalunaarfigisinnaavaat.

§ 16 Nalunaarut erniinnarluinnaq atulerpoq.

Namminersornerullutik Oqartussat, 1. aprii1i 1985,