(Eqqaamallugu - IAP sanaartornissamut kissaatinik FFL-imut (Aningaasanut Inatsisissamut Siunnersuummut) ilanngutassanik ukiut tamaasa 1. marts nassiussueqqusisarmat – IAP-mit eqqaasitsissutitut allakkat sanaartornissamut kissaatinik FFL 2008 + ilanngussassanik imaqartut uani aaneqarsinnaapput)
Suli inassutaajuarpoq pisortaqarfiit attuumassuteqartut allakkat assilinerinik ilisimatinneqartassasut
Namminersornerullutik Oqartussanit sanaartornermut tapiissutit – makkununnga tunngasutigut qinnutigineqarsinnaapput:
Nunaqarfinni isorliunerusunilu inissialiortiternermut pilersaarutit kontomut pingaarnermut ataatsimut katersugaapput. Maleruagassatut tunngavigineqarpoq inissialiortiternermut tapiissuteqartarneq pillugu Inatsisartut peqqussutaat nr. 1, 9. april 1992-imeersoq . Takuuk 2007-imut Aningaasanut Inatsisissamut Siunnersuut, q. 593. :
1.Illuliassaatit nal. akunnerinut sulisitsiffissanut, kommunit qinnuteqarneri malillugit agguaanneqartussanik tapiissutitallit.
2. Nammineerluni illuliat nunaqarfinni isorliunerusunilu, kiisalu illoqarfinni inissiaateqarnikkut nunaqarfinni atugaasunit allaanerungaanngitsunik atugaqartuni, kiisalu Narsami, Maniitsumi, Aasianni, Qasigiannguani Qeqertarsuarmilu aningaasaliissutigineqartartut. Taarsigassarsiat illulianut atortussanut aningaasartuutit 95%-eraat.
3. Illu assigiinngitsunut atuuffilik kommuninut tunniunneqarsinnaavoq nunaqarfinni illoqarfinnilu, nunaqarfinni pissutsinit allaanerungaanngitsunik atugaqartuni sanaassanngorlugu. Illu assigiinngitsunut atuuffilik siunertanut assigiinngitsunut akuleriiaanut atorneqarsinnaavoq, soorlu ineqarfittut, inissiigallarfittut, sullissivittut, katersuuttarfittut, paasissutissiinermik suliaqarfittut, inuussutissarsiutinut namminersorfiusunut allaffinnullu il.il.
-
Ataatsimoorullugu aningaasalersukkamik inissialiorneq (Inissiamik iluarsaassineq ilaajunnaarpoq!)
Tapiissutit m2 (60/40 atorlugu periaatsimut taartaasut) qinnutigineqarsinnaapput.
IAP-mut qinnutigineqassapput – Qinnuteqarfissap killinga 1. marts.
Uunga attavik Namminersornerullutik Oqartussat inissianut tunngasutigut inatsisinut databaseat
-
Piginneqatigiilluni inissiat aamma inissiat 10-40-50
Ingerlaavartumik qinnuteqartoqarsinnaavoq. Tamakku pillugit maleruagassat inatsisini takukkit – imaluunniit IAP aperiuk.
Uunga attavik Namminersornerullutik Oqartussat inissianut tunngasutigut inatsisinut databaseat
-
Suliffeqarfiliortitsineq
50%-imik tapiissutit IAP-mut qinnutigineqassapput – Qinnuteqarfissap killinga 1. marts.
(Qinnuteqaat siornatigut pisortaqarfimmut tamakkuninnga suliaqartitsisumut – KIIIP imlt. Ilaqutariinnermut Pisortaqarfik – nassiunneqartarpoq - periaaseq taanna atorneeruppoq)
-
Illuliorfissanik ataatsimoortillugit piareersaaneq
(nunamik nutaamik illioqarfiup aaqqissuussaaneranut ilanngussineq) NO-nit akilerneqassaaq.
Takuuk illuliorfissanik piareersaasarnermik isumaqatigiissut 1. jan. 1998-imeersoq. IAP-mut qinnutigineqassapput – Qinnuteqarfissap killinga 1. marts.
-
Erngup aqqutai pingaarnerit
Illuliorfissanik ataatsimoortillugit piareersaanerup (nunamik nutaamik illoqarfiup aaqqissuussaaneranut ilanngussinerup) saniatigut erngup aqqutai pingaarnerit tamarmik aamma NO-nit akilerneqassapput. Nukissiorfinnut qinnutigineqassapput – Qinnuteqarfissap killinga 1. marts. Qinnuteqaatip assilinerata IAP-mut nassiunnissaa inassutigineqarpoq!
-
Nunaqarfinni illut sulliviit
Sanaartornermut 85%-inik tapiiffigineqarnissamik IAP-mut qinnuteqartoqarsinnaavoq – Qinnuteqarfissap killinga 1. marts.
Nunaqarfinni Illut Sulliviit pillugit ilitsersuut uani aajuk – inatsisit, inatsisinut oqaaseqaatit, kiisalu malittarisassanut nalinginnarmik najoqqutassatut siunnersuut, maleruaqqusat, pedelimut najoqqutassiaq aamma naatsorsuutinut ivertiterinissamut ilitsersuut.
-
Katersortarfiit
immikkut aaqqissuussineq. KIIIP aperiuk – Killinga 1. marts
-
Innuttaasut illui/illut ingerlatsiviit
innuttaasut illuat imaluunniit illu ingerlatsivik kissaatigineqartunik ingerlatsiviusoq sunngiffimmi ingerlatsivittut, Inats. Peqq. nr. 10, 21. maj 2002 -meersup ataani pineqartunut ilaanersoq misissoruk, aamma takuuk Inatsisartut Inatsisissaannut Siunnersuut 2004-moortoq (tungujortoq), kt. Nr.: 84.40.14 ataaniittoq, Kulturimut Timersornermullu tunngasunik Sanaartorneq – Aningaasaliinissamut naammassineqarsimasussat (Upernavimmi Illu ingerlatsivik). Sanaartornermut aningaasartuutissat 90%-ii tikillugit aamma iluarsaassinermut aningaasartuutissat 50%-ii tikillugit Namminersornerullutik Oqartussat tapiissuteqarsinnaapput – Killinga 1. marts.
-
Nunaqarfinni ikuallaaviit
Sananera akeqanngilaq + illutaanut assigiinngitsualunnullu tapiissutit. Immikkut ittumik isumaqatigiissuteqarpoq, taanna takuuk. IAP-mut qinnutigineqassapput – Killinga 1. marts.
-
Illoqarfinni ikuallaaviit
Sanaartornermut aningaasartuutit 50% -ii tapiissutigineqassapput. IAP-mut qinnutigineqassapput – Killinga 1. marts.
-
Eqqakkanik avatangiisinut navianartunik tigooraaviit
Sanaartornermut aningaasartuutit 50% -ii tapiissutigineqassapput – (illoqarfinnut angisuunut annerpaamik 2 mio. kr. tapiissutaassapput – illoqarfiit allat suli aalajangiiffigineqanngillat). IAP-mut qinnutigineqassapput – Killinga 1. marts.
-
Atuarfiliorneq atuarfimmillu annertuumik iluarsaassineq
NO suliassaraat. IAP-mut qinnutigineqassapput – Killinga 1. marts.
-
