AIS 2008-mut sanaartugassatut kissaatinik nalunaaqqusissut

Matumuuna sanaartugassatut kissaatinut, kommunit 2008-mut Aningaasanut Inatsisissatut

siunnersuummut ilanngutsikkusutaanut qinnuteqarnissamut killissarititaasoq

Kommunip kissaatai Ineqarnermut Attaveqarnermullu Pisortaqarfimmut nassiunneqassapput,

tassanngaanniillu pisortaqarfinnut attumassuteqarfigisaannut nassiussuinissaq

isumagineqassaaq. Kisiannili sanaartorfissagissaanissamut kissaatit suli

Nukissiorfinnut nassiunneqartassapput.

Kommunit sanaartugassatut kissaataat/sanaartugassatut pingaarnersiorlugit tulleriiaagaat

ataatsimut pingaarnersiorlugit tulleriiaarlugit takussutissiatut saqqummiuteqquneqarput.

Sanaartugassanut ataasiakkaanut takussutissiatut allattukkat sapinngisamik

paasissutissanik ukuninnga imaqassapput:

1. Suliassap taaguutaa.

2. Suliassamut qulequtsiussamut itisiliissut naatsoq.

3. Suliassap suunera (nutaatut sanaartugaq/

iluarsartuussineq/allanngortiterineq)

4. Sanaartugassap suussusia (illut uiguleriit/illut quleriinnik initallit/illut sulliviit/

illut paaqqinniffiit /atuarfiit assigisaallu).

5. Suliassap annertussusissaa.

6. Namminersornerullutik Oqartussat kommunillu aningaasaliissutissaasa agguarneri

procentinngorlugit. Suliassat sanaartugassanut aningaasartuutit

kommunip tamakkerlugit aningaasalersuiffigisassai ilannguteqquneqarput.

7. Namminersornerullutik Oqartussat aamma kommunip sanaartornissamut

aningaasartuutinut tamakkiisunut aningaasaleeqataassutissaasa annertussusissaat.

8. Sanaartornissamut aningaasartuutissat tamakkiisunut ukiunut agguarlugit

(2008-miit ukioq naammassiffissaat ilanngullugu).

9. Sanaartorfissanut killiliussat nunallu assingani sumiiffiit (ASIAQ-mit sumiiffinnut

pilersaarutit imaluunniit nunap assingani sumiiffiit naapertorlugit).

10. Suliassat aallartiffissaattut atulerfissaattullu piffissaliussanut pilersaarutit.

11. Suliap maannarpiaq killiffia (isumassarsiaanera, pilersaarusiorneqarnera

assigisaaluunniit).

Kommunit inissiaataannik attartortittakkanik tapersiiffiusumik inissialiortiternermut

aalajangersakkanik malinniffiusumik inissialiortiternermi kvadratmeterit sananeqartussat

allanneqassapput.

Paasissutissat taamaattut, kiisalu kommunip sanaartugassatut kissaataanik tulleriiaarinerit

Naalakkersuisut 2008-mut Inatsisartut Aningaasanut Inatsisissaattut

siunnersuutip suliarineqarnerani sanaartugassanik tulleriiaarinermut pingaarnermut

ilanngunneqassapput.

Maannangaaq erseqqissaatigineqassaaq Inatsisartut 2007-imut Aningaasanut

Inatsisimmik akuersinerminni 2004-mut Aningaasanut Inatsisip suliarineqarnerani

siunnerfiusoq ingerlatiinnarmassuk, tamatumalu kingunerisaanik suliassaqarfiit

salliutinneqartut suli tassaammata atuarfiliortiternerit, inissialiortiternerit kiisalu pilersuinermi

isumannaallisaaneq.

Tamatuma sunniutigisaanik assersuutigalugu sanaartorfissagissaanernut, illunut

sullivinnut il.il. aningaasat atorneqarsinnaasut killeqartorujussuupput.

Pisortaqarfik sinnerlugu

Brian Houborg Jepsen

bhje@gh.gl