KANUKOKA-mit kommuninut e-maili ulloq 25. maaji 2010:

Innarluutilinnut suliassaqarfiup Kommuninut nuunneqarnissaa 1. januaari 2011-mut kinguartinneqarsimavoq. Taamaakkaluartoq piareersaatit ingerlaannartussaammata innarluutilinnik sullissinermi suleriusissatut siunnersuutit tusarniutigineqarneri KANUKOKA-mit taamaatiinnarneqanngillat, Kommunilli oqaaseqaatiminnik nassiussiffissaat kinguaallatsinneqarpoq kingusinnerpaamik 15. juuni 2010 pisussanngorlugu.

KANUKOKA-mit kommuninut e-maili ulloq 4. juuni 2010:

Skemat immersugassallu Isumaginninnermut Naalakkersuisoqarfimmit tiguneqaqqammerput maannalu Kommuninut ingerlateqqinneqarlutik, KANUKOKA-milli erseqqissaatigineqassaaq Naalakkersuisoqarfimmit nalunaarutigineqarsimammat atortussat ilaat suli iluarsisassartaqalaartut, tunngaviatigulli atorneqarsinnaallutik. Sapaatip akunnera kingulleq Isumaginninnermut Naalakkersuisoqarfik Kommunini innarluutilinnut sullissisunik ullut tallimat pikkorissaaqqammerpoq, taamaattumillu ilassi atortussat nassiunneqartut uku pereersimavaat. Skemat nassiuneqartut nassiuteriikkatsinnut attuumassuteqarput, neriuutigaarpullu siunnersuutinut qanoq attuumassuteqarneri ersarinnerusumik takuneqarsinnaalissasut.

Erseqqinnerusumik paasisaqarusukkaanni saaffigineqarsinnaasoq: Kisea Bruun