Una pillugu: Atuarfimmi atuakkanik atorniartarfiit pillugit nalunaarutissatut siunnersuut

Kommunit tallimat tusarniaanermut akissuteqarput.

Akissutini taakkunani nalunaarutissatut missiliuut ataatsimut isigalugu naammagisimaarneqarpoq, aammali malugeqquneqarpoq atuarfinni atuakkanik atorniartarfiit imarisaasa annertunerulernissaannik siunnersuut maannamut "ileqqutoqqat" malillugit atuakkanik atorniartarfilerinermut piffissarititaasut iluanni naammassineqarsinnaanavianngimmat, tamannalu piffissat suliffiusut pillugit isumaqatigiissutissami eqqarsaatigineqartariaqarmat.

Sisimiut Kommuniannit akissummi malugeqquneqarpoq atuarfiup atuakkanik atorniartarfiani atuartitsinermut tunngatillugu § 5-imi § 10-milu allassimasut imminnut assortuutinnguatsiarmata. Taamaattumik siunnersuutigineqassaaq § 10-mi naggat kingulleq peerneqassasoq.

Maniitsup Kommunianit akissummi oqaatigineqarpoq § 9 imm. 1-imi allassimasut kalaallisuui qallunaatuuilu imminnut naapertuutinngitsut.

§ 9 imm. 3-mi minnerusumik allannerliugaqarpoq - § 9 imm. 1 innersuussutigineqassaaq.