Una toorukku Kanukokap tusarniaanermut akissutaa atuarsinnaavat

Kattuffiup siunnersuut kingusinnerpaamik 1. aggusti 2002 akeqqusaq tiguaa ulloq 10. juuli 2002. Kattuffiup KIIIP nalunaarfigereerpaa juuli ataatsimitsitaliani ataatsimiiffiusanngimmat tusarniaat aatsaat aggustip 10-ani akineqarumaartoq.

Soorlu nalunnginneqareersoq siunnersuut siusinnerusukkut tusarniutigineqareernikuuvoq. Tusarniummut kingullermut naleqqiullugu allanguutit pingaarnerusut imatut imaqarput:

1. § 16 qallunaatuuani allannguutaa erserpoq (kalaallisuua kukkuneqarpoq). Kingullermi aalajangersagassami kommuninut atuarfeqarfinnut ataatsimoortumik tapiissutit meeqqat atuarfianni atuartumut ataatsimut naatsorsorneqartussaasut massakkut siunnersuummi meeqqat illoqarfinni atuarfinni tapiissutit tunngavigalugit tunniunneqassapput.

2. §18 imm. 2-mi kommunalbestyrelse kisimi atuarfiit illutaasa sanaartorneqarnerinut aningaasaliissutinullu assigisaannut aningaasanik tapiissuteqarsinnaallunilu taarsigassarsisitsisinnaavoq. Aalajangersagaq Namminersornerullutik Oqartussat aningaasaliisinnaannginnerannik paasineqassanngilaq, tassa nassuiaatini ataatsimoortuni erseqqissarneqarmat atuarfinnut namminersortitanut sanaartornermi aalajangersakkat tunngavigalugit ulluinnarni 10/40/50 atorlugu illuliornermi aningaasaliisarneq tunngavigalugu aningaasaliisinnaassammata.

Inatsisissamut siunnersuummut isummersuutit kattuffimmut kingusinnerpaamik aggustip 6-at killigalugu nassiuteqquneqarput.