Kattuffik siunnersuummik qulaani taaneqartumik tusarniaaffigineqarpoq kingusinnerpaamik 1. aggusti 2003 akissuteqartussanngorlugu, taamaattumillu oqaaseqaataasinnaasut Kattuffiup tigoreersimasariaqarpai kingusinnerpaamik 30. juuli 2003.
Inatsisartut peqqussutaanni pineqarpoq Kalaallit Nunaata imartaa, tassa sinerissap imartaa avammut 3 sømilit tikillugit.
Allannguutissatut siunnersuummut atatillugu maluginiagassaavoq Imaani avatangiisit illersorneqarnissaat pillugu inatsisip atuutilerneranik Peqqussutip nr. 1012 14. decembari 1994-imeersup allannguutissaanik siunnersuut. Peqqussummi tassani pineqarpoq imaq Kalaallit Nunaata imartaata avataaniittoq. Allannguutissatut siunnersuut taanna suli tusarniutigineqanngilaq.
