2003-mi nunamut tamarmut pilersaarusiorneq pillugu nassuiaatissamut siunnersuut kattuffiup tiguaa ulloq 4. juuli 2003, tusarniaanermut killigitinneqarluni 14. juuli 2003.
Ilisimatitsissutigissavarput kommuneqarfiit kattuffiat naalakkersuisunik isumaqatigiissuteqarsimammat tusarniaaffigineqaraangatta tusarniaanermi atortussat kalaallisut qallunaatullu pineqarsinnaalerneranniit sivikinnerpaamik sapaatip-akunnerinik sisamanik piffissaqartinneqartassasugut.
Pisortaqarfiup taama sivikitsigisumik piffissaqartitsinini aalajangiusimaannassappagu kattuffimmiit akissuteqanngitsuuginnartariaqassaagut. Tusarniutigineqartoq kommuninut soqutiginaatilerujussuuvoq, taamaattumillu kommunit periarfissaqartariaqarput nassuiaatissaq naalakkersuinikkut isummerfigissallugu. Taamali piffissakitsigaluni taamaaliortoqarsinnaanngilaq.
