|
Inatsisartut inatsisaata nr. 20-p 3. novembari 1994-imeersup Inatsisartut inatsisaatigut nr. 6-ikkut 12. juuni 1995-imeersukkut allanngortinneqarsimasup allanngortinneqarnissaa pillugu tusarniaagallarneq. Tusarniaaneq 5. marsi 2004-mut killiligaavoq, taamaattumillu oqaaseqaataasinnaasut allannguutissanillu allanik siunnersuutaasinnaasut kattuffiup tigoreersimasariaqarpai kingusinnerpaamik 3. marsi 2004. Tusarniaanermi allakkiaq quppernerup matuma ataani aaneqarsinnaavoq. Kommunit killeqarfii atuuttut akimorlugit suleqatigiinneq siuarsarumallugu aallaqqaammullu kommunit nammineq piumassutsiminnik kattussinnaanissaannut akornutaasut piiarumallugit KANUKOKA-p aamma Nunami Namminermi Pissutsinut Allaffiup ataatsimiititaata aqutsinermut inatsit misissuataarsimavaat allannguuteqarnissaa siunertaralugu. ”Inatsisitigut suleqatigiit” taakkua aamma oqaluuserisimavaat immikkut inatsisaasut arlalitsigut allanngortittariaqarnerat, soorlu akileraaruserineq inkassolu pillugit, kommunit suleqatigeeriaatsinut nutaanut tunngavissinnissaat siunertaralugu. Maannakkut siunertarineqarpoq siunnersuut matuma kinguliiniittoq siullermeersumik pisortatigoortuungitsumik tusarniaanertut pineqassasoq kommunit Aqutsinermut inatsisip allannguutigisinnaasaanik allanik siunnersuuteqarnissaannut periarfissillugit. Inatsisissatut siunnersuutaajumaartussaq inatsisartut 2004-mi ukiaanerani ataatsimiinnissaanni saqqummiunneqassamaarpoq. |
