|
Nuuk, 3. juni 2004
Kultureqarnermut, Ilinniartitaanermut, Ilisimatusarnermut Ilageeqarnermullu pisortaqarfiup allakkamini nr. 001085 maajip sisamaanni 2004-meersuni tusarniaassutigalugu nassiuppa Ilinniagaqarnersiutit pillugit inatsisartut peqqussutissaannut siunnersuut, tusarni- aanermut akissuteqarnissaq juunip sisamaannut 2004 killilerlugu.
KANUKOKA taamaallaat peqqussutissatut siunnersuutip immikkoortuisa ilaannut ataasiakkaanut oqaasissaqarpoq. Ilinniagaqarnersiutinik nutarterinissamik nassuiaammi inassutigineqarpoq ilinniagaqarnersiutinik nutarteriniarnermi suliniuteqartoqassasoq ilinniagaqartut ilinniarlutik naammassinerminni Kalaallit Nunaanni sulinissamut kajungernerulissutigisinnaasaannik. Peqqussutissatut siunnersuummi suliniutinik taamaattunik takusassaqanngilaq. Kapitel 5: Danmarkimi ilinniagaqartut sivisuumik ilinniareerlutik naammassinerminni Kalaallit Nu- naanni suliffissarsiornissaanut aningaasatigut kajungilersissagaanni tamanna soorlu pisin- naavoq Kalaallit Nunaanni atorfeqarnerup qanoq sivisutiginissaa aalajangerlugu tunngavilii-lluni ilinniarnermi taarsigassarsiat tamaasa ilaasaluunniit isumakkeerneqarneratigut. Tamanna soorunami taarsigassarsiat isumakkeerneqarnerisigut aningaasartuutaassaaq, taamaattorli aamma kikkut kalaallini inuiaqatigiinnut attuumassuteqarlutillu taakkuninnga paasisimannittut kajungilersinnissaannut tigummiinnarsinnaanissaannullu ilanngaaqutaanngitsoorunarani. Oqaaseqaatinut ilaliussaq 2-mi takuneqarsinnaavoq FSA/FSUA qaffasissuseralugu ilinniarti- tsissutini ataasiakkaani atuartitsinermut ilinniagaqarnersiuteqartitsisarnerup taamaatinneqarneratigut ukiumut 7,3 mio. kr. sipaarutigineqassasut naatsorsuutigineqartoq. KANUKOKA taama sipaaruteqarniarnermut akerliulluinnarpoq, tassami inuit ilinniagaqalernissaminnut naammattunik pisinnaasaqanngitsut ilinniartitsissutini ataasiakkaani atuartinneqarnissamik neqeroorfigineqartarnissaat pisariaqartuarmat. KANUKOKA’p ilinniarnermut inuussutissarsiutinullu piareersaanikkut iliuuserineqartut aamma ilinniartitsissutinik ataasiakkaanik atuartitsinermik ilaqartut soorunami ilisimaarai. Kisianni KANUKOKA isumaqarpoq taamaallaat ilisimasassatigut pikkorissarneqarnissamik, ilinniartitsissutini ataasiakkaani atuartitsinikkut pissarsiarineqarsinnaasumik, pisariaqartitsisut taamaattumillu ilinniarnermut inuussutissarsiutinullu piareersaanerni imannak peqataasariaqanngitsut suli arlalissuussasut. Tamakku ilinniartitsissutini ataasiakkaani atuartitsinermi peqataasinnaanissaannut ilinniagaqarnersiuteqarsinnaanissaq apeqqutaavoq, tassa atuartitsinerup inissisimanera annertussusialu peqqutigalugit saniatigut tamakkiisumik suliffeqarsinnaassannginnamik. Ilinniartitsissutini ataasiakkaani najukkami atuartitsineq qitiusumik ilinniarfiit ilitsersuisarfiillu suleqatigalugit peqatigalugi- lluunniit aaqqiissuunneqassappat tamanna pissusissamisuuginnassaaq.
|
