Meeqqat inuusuttullu ikiorserneqartarnerat pillugu tusarniaaneq

Siunnersuut qulaani taaneqartoq Ilaqutariinnermut Pisortaqarfiup tusarniaassutigaa akissuteqarnissaq ataasinngornermut 14. juni 2004-mut killilerlugu. Taamaattumik KANUKOKA’p kommunit tusarniaanermut akissutissaat kingusinnerpaamik sisamanngornermi 10. juni 2004 tigorusuppai.

Siunnersuutikkut inunnik isumaginnermut ataatsimiititaliap siulittaasua pisinnaatinneqarpoq suliassat nukinginnartut pineqartillugit aalajangiigallartarnissaanut, pisariaqartinneqartaraangat
· Meeqqap inuusuttulluunniit misissorneqarnissaa
· Meeqqap inuusuttulluunniit angerlarsimaffianit pinngitsaaliinikkut peersinneqarnissaa
· Angajoqqaat meeqqap inuusuttulluunniit piffissani ”akunnattuni” tunniunneqartarnissaa kissaatigippassuk meeqqap inissikkallarneqarnerata attatiinnarneqarnissaa.

Siunnersuummi aamma akiliuteqartarnissamik nalunaarutinngorlugu aalajangersaasoqartarnissaanut pisinnaatitsisoqarpoq.

Tamakku saniatigut siunnersuut malitsigitillugit naqqiissutinik imaqarpoq. Tamatuma saniatigut aamma kalaallisuua ataatsimik naqqiuteqarfigineqarpoq.

KANUKOKA’p tusarniaanermut akissutissamini siunnersuut akuersaarniarpaa ilanngullugulu taaniarlugu akiliuteqartarnissaq pillugu nalunaarut tusarniaassutigineqarumaartoq naatsorsuutigigini.