Una tooruk KANUKOKA-p tusarniaanermut akissutaa atuarumallugu

Nalunaarasuartaateqarneq pillugu nalunaarusiaq quppernerup matuma ataani aaneqarsinnaasoq Inatsisartut upernaakkut ataatsimiinnissaanni oqaluuserineqartussaavoq. Tamanna pillugu oqaaseqaataasinnaasut tusarniaanerup killinga sioqqullugu tiguneqarumaartussat KANUKOKA-p akissutissaanut ilanngunneqarumaarput.

Tusarniaanermut akissutissami pingaartillugu taaneqarumaarpoq pisortatigut ingerlatsinerup digitalinngorsarneqarnissaanik pilersaarutit soorlu siunnersuummi 2003-meersumi taakkartorneqartut nalunaarasuartaateqarnermut politikkip ikorfersussagai.

Aammattaaq KANUKOKA-p siulittaasuata Jens Lars Fleischerip 17. - 18. marsi 2004 nalunaarasuartaatitigut attaveqaateqarneq pillugu ataatsimeersuarnermi oqalugiaataa tusarniaanermut akissutissami aallaavigineqarumaarpoq.