|
Peqqissutsimut Pisortaqarfiup 16. apriili 2004 nalunaarutissaq KANUKOKA-mut tusarniaassutigalugu nassiuppaa 14. maaji 2004 tusarniaanermut killiliullugu. KANUKOKA-p iluarinartippaa peqqinnissaqarfiup sullissinerinut akiliuteqartarneq nalunaarusiornikkut ataatsimoortumik malittarisassiuunniarneqarmat. Siornatigut ataasiakkaatigut nalornisoortoqartarsimavoq aningaasartuutit oqartussaasunit kikkunnit akilerneqartassanersut, soorlu toqusut timaannik assartuineq eqqarsaatigalugu, taamatuttaarlu nalornissutigineqartarsimalluni sutigut atuisut akiliuteqartinneqartassanersut. Nalornisooqqanerup tamatuma kingunerisaanik assigiinngitsunik ingerlatseriaaseqartoqarsimasinnaavoq. Nalunaarusiornikkut erseqqissaasoqassaaq assigiinnillu malittarisassaqalissalluni. Kommunit qinnuigineqarput tusarniaanermut akissutitik KANUKOKA-mut nassiuteqqullugit kingusinnerpaamik 10. maaji 2004. |
