|
Una tooruk KANUKOKA-p tusarniaanermut akissutaa atuarumallugu
27.05.2004
Tupa ininillu pujortarfigeqqusaanngitsunik peqarnissaa pillugit inatsisartut peqqussutissaattut siunnersuutip tusarniaassutigineqarnera
Pisortaqarfiup tupa ininillu pujortarfigeqqusaanngitsunik peqarnissaa pillugit inatsisartut peqqussutissaattut siunnersuut tusarniaassutigalugu Kanukoka’mut nassiuppaa tusarniaanermut akissuteqarfissaq 18. juni 2004-mut killilerlugu.
Taamaattumik tusarniaassummut kommunit akissutissaat kingusinnerpaamik ataasinngornermi 14. juni 2004 Kanukoka’mut nassiunneqarsimassapput.
Ataatsimut isigalugu :
Innuttaasut atuisullu pisortanut saaffiginnittariaqartillutik kissaatiginngisaminnik pujoorfigineqaqqunagit pisortat illuutaanni pujortarfigeqqusaanngitsunik ineqarnissaanik isummat tunngaviusut Kanukoka’p tapersersorpai.
Aalajangersakkanut ataasiakkaanut tunngatillugit :
§ 3
Erseqqissumik nalunaarsimasariaqarpoq pisortat illuutaat innuttaasunit inersimasunit najugarineqartut peqqussummi aalajangersakkanit ilanngunneqannginnissaat. Tamakku tassaasinnaapput utoqqaat illui aamma innarluutillit ulloq unnuarlu paarineqartarfii.
§ 3, imm. 2
KANUKOKA isumaqarpoq suliffiit ataasiakkaat namminneq aalajangersinnaasariaqaraat ininik sulisumik pujortartarfissaannik pilersitsissanerlutik. Peeqqussutissatut siunnersuut naapertorlugu pisortani atorfeqartut amerlanersaat (taamaattorli meeqqat atuarfiini, meeqqanik inuusuttunillu ulluunerani paaqqinnittarfinni aammalu ulloq unnuarlu paaqqinnittarfinni sulisuusut pinnatik) inatsisitigut piumasaqarsinnaasussaapput inimik pujortartarfissaminnik pilersitsisoqarnissaanik. Inatsisitigut taama piumasaqarsinnaatitaaneq siunnersuutip § 14-a naapertorlugu akiliisitsinermik pillaatitaqarsinnaasussaavoq. Tamanna isumaqarpoq inimik sulisut pujortartarfissaannik pilersitsisoqanngippat kommuni akiliisussanngortitaasinnaasoq.
Aamma ininik pujortartarfinnik pilersitsisoqarnissaanik inatsisitigut piumasarineqartoq kommuninut aningaasartuutinik kinguneqartussaavoq.
§ 14
Peqqussut qanoq aammalu kikkunnit atuutsinniarneqassanersoq erseqqissumik nalunaarneqarsimanngilaq.
| 
