Kommunini suliassaqarfiit
Kommunit pillugit
KANUKOKA-mit
Pikkorissarnerit ataatsimiinnerillu
17.07.2012 Forvaltningsret 10.10.2012 Ingerlatsinermut inatsisit Kvalitet i sagsbehandling Lederkursus for skoleledere Personlig udvikling

Eqalunniarneq

Eqalunniarneq pillugu nalunaarut nutartigaq tusarniaassutigineqarpoq. Tusarniaanerup killinga: 14. apriili 2005.
Ilanngussat

Nuuk, 15.03.2005

Aalisarnermut Piniarnermullu Pisortaqarfiup tusarniaavigaatigut eqalunniarneq pillugu nalunaarutissamut nutaamut missiliuummik. Nutarterniarneqartoq tassaavoq Namminersornerullutik Oqartussat nalunaarutaat nr. 11, 18. juuni 1997-imeersoq.

Allannguutissat pineqartut tassaapput nalunaarutip oqaasertaani naleqqussarlugit iluarsisariaqakkat marlussuit aammalu aalajangersagaq nutaaq ataaseq:

  • Siullermik, "Aalisarnermut, Piniarnermut Nunalerinermullu Pisortaqarfik" imaalineqassaaq: "Aalisarnermut Piniarnermullu Pisortaqarfik" (§ 9-mi taaneqartoq). Tamatuma peqatigisaanik titarnerit marlussuit paragrafimi tassaniittut nalunaarutip 1997-imeersup kingunerisaanik kommunit ileqqoreqqusaasa atuutilerfissaasa kingusinnerpaaffissaannut tunngasut peerneqassapput.

  • Aappassaanik, § 13-imik nutaamik ilanngussisoqarniarpoq, tassani allassimassalluni kommunit ileqqoreqqusaanni aalajangersarneqarsinnaassasoq "ileqqoreqqusanik unioqqutitsinerit akiliisitaanermik kinguneqartinneqarsinnaasut".

    Taasariaqarparput tusarniaaneq maani kattuffimmi februaarip 14-iannili tigusimagatsigu. Taamaattumik ajuusaarutigaarput pisortaqarfiup tusarniaanermut killiliussaa 1. apriili 2005 taama qanillitigereersoq aatsaat kommuninut ingerlateqqikkatsigu. Suliassaqarfimmik pineqartumik immikkut sammisalimmik maannakkorpiaq konsulenteqannginnerput tamatumunnga pissutaavoq. Matumuunali qinnuigigaluarpassi allannguutissatut missiliuut pillugu oqaaseqaataajunnartunik maanga tusarliussaqaqqullusi kingusinnerpaamik pingasunngornermi 30. marsi 2005.

    Tusarniaanerup killinga kinguartinneqarpoq 14. apriili 2005-imut.