Kalaallit nunaanni innuttaasut kigutigissartinnissaat pillugu nalunaarutissaq Peqqissutsimut pisortaqarfiup sanasimavaa, taassumalu Kalaallit nunaanni kigutit nakorsaannut ilitsersuutip 26. november 1975-imeersup taartigissavaa.

Kigutigissartinnissaq pillugu periutsit ullumikkut atuutereersut inatsisiliuunnissaat erseqqissarnissaallu pisortaqarfiup pingaarnerutissimavaa, uanilu innuttaasut piginnaatitaaffii annertusineqanngillat aammalu Nalunaarutip atuutilernerata aningaasartuuteqarnerulerneq kingunerisussaanngilaa.

KANUKOKA-p Isumaginnittoqarfinnut § 5-imi allassimasut alaatsinaaqquai, tassani inuit pitsorluttut imaluunniit timikkut/tarnikkut annertuumik innarluuteqarnertik pissutigalugu nalinginnaasumik kigutigissartinnissamut neqeroorummik atuisinnaanngitsut aalajangersimasumik akuttussusilimmik akeqanngitsumillu nakkutiginnilluni kigutilerinissamik neqeroorfigineqarnissaat pineqarmata.