|
13. juuni 2005 Inuussutissarsiornermut, Nunalerinermut Suliffeqarnermullu Pisortaqarfik inuussutissarsiummik ingerlataqarneq pillugu Inatsisartut inatsisaata allaangortinneqarnissaanik sinnersuuteqarpoq. Allanngortinniarneqartoq tassaavoq Inatsisartut inatsisaat nr. 12, Kalaallit Nunaanni inuussutissarsiummik ingerlataqarneq pillugu Inatsisartut inatsisaat 12. novembari 2001-imeersoq. Allanngortitsiniarnermut peqqutaavoq inatsisip 1. januaari 2002-mi atuutilernerata kingorna paasinarsimmat inuussutissarsiummik ingerlatallit nalunaarsorsimaffiannut nalunaarsuisarnermut tunngasut pissusissamisuunngitsut. Inuussutissarsiummik ingerlatitsisinnaatitaanerup ingerlatseqatigiiffinnullu atatillugu Kalaallit Nunaanni Inuussutissarsiutinik Nalunaarsuiffimmut nalunaartussaatitaanerup ullumikkut ataqatigiissinneqarsimannginnerat ajornartorsiutaavoq. Nutarterinerup kingunerissavaa nalunaarsuinerup pitsaanerusumik ingerlanneqalernera nioqquteqarfiillu aalaakkaasut avataatigut nutaannik nioqquteqarsinnaalerneq, soorlu takornarianut nioqquteqarluarsinnaanerulerneq. Nutarterineq immikkut inuussutissarsiortunut aningaasartuutaassanngilaq inuussutissarsiortullu nalunaarsorneqarnerinut assiliaq eqqornerusoq pigineqalissalluni. Taamaasilluni paasissutissanik pissarsiniarneq aamma pitsaanerulissaaq tamanut iluaqutaasumik. Inatsisissamut oqaaseqaatit sukumiinerusut atuarneqarsinnaapput Inatsisissatut siunnersuummut nassuiaatinit. |
