Kommunini suliassaqarfiit
Kommunit pillugit
KANUKOKA-mit
Pikkorissarnerit ataatsimiinnerillu
17.07.2012 Forvaltningsret 10.10.2012 Ingerlatsinermut inatsisit Kvalitet i sagsbehandling Lederkursus for skoleledere Personlig udvikling

Sinerissamut qanittumi qaleralinniarneq

Sinerissamut qanittumi qaleralinniarneq pillugu Namminersornerullutik Oqartussat nalunaarutaata nr. 6 14. februaari 2002-meersup allannguutissaanik missiliuut. Tusarniaanerup killinga: 4. februaari 2005.

07.02.2005

KANUKOKA-p tusarniaanermut akissutaa

Allakkatigut 25. januaari 2005 ullulerneqarsimasutigut pisortaqarfiup qulaani taaneqartoq KANUKOKA-mut tusarniaassutigalugu nassiuppaa.

Taava KANUKOKA-p kommunit attuumassuteqartut siunersiorpai, taakkualu ilaat tallimat akissuteqarput. Taamatut allanngortitsiniarneq Qeqertarsuup tunuani kommunit ilaannit assut akerlerineqarpoq.

Kommunit qaleralinniarfiusut avannarliit, Upernaviup aamma Uummannap, allannguutissatut missiliuut tusaatissatut tiguaat. Uummannamiilli paaserusunneqarpoq immikkut akuersissuteqarnissamut akiliisitsinikkullu pineqaatissiinissamut kommunit pisinnaatitaaffeqalernissaanni allaffissornikkut aningaasartuutit qaffaallannissaat matussutissinniarneqarnersoq.

Diskobugtimi Ilulissat Kommunianni Aalisarnermut Piniarnermullu Siunnersuisoqatigiit allannguutissanut tapersersuipput. Kommuninilli Aasiannit aamma Qasigiannguanit allannguutigitinniarneqartut akerlerineqarput. Makku tunngavilersuutigineqarput:

  • Sinerissamut qanittumi qaleralinniarnermi kommunit ataasiakkaat qassutinik qalorsuarnilluunniit atortoqarnissamut immikkut akuersissuteqartalissappata equngasumik agguaassisoqartalersinnaavoq kommuninut allanut ajoqutaasumik.

  • Qalorsuarsorluni qassusersorlunilu qaleralinniarnissamut immikkut akuersissuteqartalernissakkut kommunit imminnut akerleriittussanngortinneqassapput killeqarfiit akimorlugit qalorsuarsortoqartalissappat.

  • Qalorsuarsornermik qassusersornermillu misilittakkat nalunngisallu malillugit qalerallit mikisuararsuarnut allaat ilanngullugit pisarineqartarput. Tamatumunngalu immikkut akuersissuteqartalernikkut pisuussutit uumassusillit nungusaataanngitsumik atorneqarnissaannik naalakkersuisut siunertaat uniorlugu pisoqalissaaq.

  • Pisortaqarfiup aalajangiusimassappagu oqartussaaffimmik tunniussinissaq, taava kommunit sinerissamut qanittumi qaleralinniarnermik pinngitsuuisinnaanngitsut aalisartortaminnut akuersissuteqarsinnaasariaqarput sinerissamut qanittumi qaleraleqarfimmut tamarmut atuuttumik.

    Pineqaatissiilluni akiliisitsisinnaanermut tunngatillugu Qasigiannguanit isumaqartoqarpoq tamanna politiit suliassarigaat. Aasianniillu oqaatigineqarpoq aalisarnermik piniarnermillu nakkutilliisutut allagartalimmik sulisoqartariaqassasoq nakkutilliinermik malinnaanermillu isumaginnittussamik.

    Matumuuna KANUKOKA-mit kissaatigaarput kommuninit attuumassuteqartunit oqaaseqaatit suliassap ingerlateqqinneqarnerani tunngavissatut ilanngunneqassasut.

    •