|
Aalisarnermut Piniarnermullu Pisortaqarfimmiit tusarniaasutigineqarpoq aarrinik illersuineq piniarnerlu pillugit nalunaarummut nutaasamut siunnersuut.
Nalunaarutissamut siunnersuut ukioq 2002-mi siullermeerluni tusarniaassutigine-qarpoq. Siunnersuummi siusinnerusukkut siunnersuutigineqartumut naleqqiullugu allannguisoqarpoq ilaatigut tusarniaanermi akissutit tiguneqartut tunngavigalugit.
Nalunaarummi pingaarnertut siunertaavoq arnavissanik inersimasunik eqqissisima-titsinissaq kiisalu pisassiissuteqarnissaq.
Tusarniaaneq immikkut ittumik makkuninnga maluginiarneqaqquneqarpoq:
- Piaqqat arnavissanik ilaqartut aamma arnavissat inersimasut eqqissisi-matinneqarnissaani Qaanaap kommunia ilaatinneqanngilaq. Taamaattorli kommunimi pisassiissutit atulersinneqassapput.
- Siunnersuummi §3, imm. 3, normu 1-mi innersussutigineqartumi immik-koortup peerneqarnissaa isumaliutigineqarpoq, taamaalilluni Kalaallit Nunaata Kitaani 70 30’N kujasinnerusortaani (Qeqertarsuatsiap kujammut nuuanut) aaffanniartoqarsinnaajunnaarluni. KANUKOKA’p kissaatigissavaa tamatuminnga tunngasunik oqaaseqaatinik tusagaqassalluni.
- Maannakkut nalunaarummi pisuni immikkut ittuni kommunalbestyrelsi silap pissusaa immikut itsillugu qamuteralaat atorneqarnissaannut immikkut akuersissuteqarnissaanut periarfissaqarpoq. Aalajangersagaq siunnersuummi ilanngunneqartumi ilaatinneqanngilaq, aalajangersakkap pisariaqartinneqar-neranik ilisimannittoqanngimmat.
- Siunnersuummi §9, imm. 3-mi aallaannittoqartinnagu unaap atorneqartarnis-saa piumasarineqarpoq. Aalajangersagaq nutaajuvoq §17, imm. 1 naapertorlugu pineqaatissiissutaasinnaalluni. Aaliangersagaq ilanngunneqar-poq aarrit kivisartut amerlasoorpassuit aannaaneqartartut paasineqarmat. Taamaalilluni unaarseqqaarnissamik piumasaqarnerup qulakkeersippaa piniartup ilumut angutiviaanersoq takusinnaasammagu kivineratigullu annaasaqarnissaq pinngitsoortinneqassalluni.
- Pisassiissalernerup kingunerisaanik akuersissutit atulernerinut atatillugu peqatigisaanik aarrup pisarineqarsimasup ilaanik tuniniaanermi akuersissutip naqissuserneqarsimasup assinganik peqarnissaq piumasarineqalerpoq. Tamatuma qulakkiisavaa aavermik unioqqutitsilluni pisarineqarsimasumik tunisisoqannginnissaa peqatigisaanillu immikkut ittumik immersugassiamik immersorneqarsimasumik tunniussaqarnissamut piumasaqarnermi qulakkeer-neqarpoq Pisortaqarfiup piniartuniit paasissutissanik pisariaqartunik pissarsisarnissaa.
./. Nalunaarummut siunnersuut ataani atuarneqarsinnaavoq.
| 
