KANUKOKA-miit Peqqissutsimut Pisortaqarfik allaffigisimallugu 21. november 2007 kommuninut tamanut nalunaarutigaarput. Allakkatsinni Peqqinnissaqarfimmik aaqqissuusseqqinneq pillugu tusarniaanermi killiliussap sivitsorneqarnissaa piumasarivarput.

 

Peqqissutsikkut Pisortaqarfimmiit allakkagut mailikkut akineqarput. Inatsisartut ukiukkut ataatsimiinnissaat kinguartinneqarmat maanna Peqqissutsikkut Pisortaqarfik nalunaarpoq tusarniummut akissutit 7. januar 2008 tigoreersimasariaqarlugit.

 

Taamatut nalunaaruteqarneq tunngavigalugu kommuniniit tusarniutaasumut akissutit KANUKOKA.mut 4. januar 2008-mi tigoreersimasariaqarpagut.

 

Erseqqissaatigissavara tusarniutigisaq mail-ikkut kommuninut nassiunneqareermat.

 

Inussiarnersumik

Martha Labansen