Innarluutillit assigiimmik pineqartarnissaat pillugu qullersaqarfik Danmarkimiittoq suua?

Hvad er Center for Ligebehandling af Handicappede i DK?

 

Tulliuttuni Qullersaqarfik taaneqartassaaq: CLH

 

Siunertaa

Innarluutillit assigiimmik pineqartarnissaat pillugu Qullersaqarfiup qulakkiissavaa inuit innarluutillit innarluuteqanngitsutut atugassaqartinneqassasut aammalu periarfissaqartinneqassasut.

 

Qullersaqarfiup suliassai

Paasisitsiniaaneq aammalu uppernarsaaneq atorlugu CLH –p nalagaaffik, kommunet aammalu namminersortut aaliangiinerni innarluutilinnut innimittartuunissaat tassalu soqutiginnittuunissaat sunnerniassavaa /qulakkeerniassavaa. Inuiaqatigiinni immikkoortut soqutigisaqarfiit pineqartut makkuupput: ilinniagaqarneq, ingerlanneqarneq/assartorneqarneq, kulturikkut ingerlaneq il. il. . Aammattaaq CLH –p suliassaanut ilaavoq piffinni aammalu susoqarfinni  innarluutillit innarluuteqanngitsullu assigiimmik pineqartuarnissaat.

 

CLH –p suliassaasa tigussaasut ilagaat:

• Katersussallugit paasisitsiniutigissallugillu innarluutillit taakkulu atugaat qanorlu inuiaqatigiinni naligiimmik atukkat isumaqarnersut
• Malinnaaffigissallugu qallunaat nunarsuarmiullu inatsisiliaat aammalu nalilissallugu inatsisit kinguneri sunniutaallu innarluutillit eqqarsaatigalugit
• Uppernarsassallugit nassuiassallugillu ajornartorsiutit assigiimmik pineqannginnermik imallit Innarluutillit Pillugit Siunnersuisoqatigiinnut, (Det Centrale Handicapråd)., allanullu soorlu pisortanut aammattaaq Naalakkersuisut Ombudsmandeannut.
• Siunnersuissalluni aqqutissiuussissallunilu apeqqutinut innarluutillit assigiimmik pineqarnissaannut tunngasunik.

 

CLH –p ilisimasaanik siaruarteriffiginiakkat:

CLH-mi ilisimasat innarluutillit pillugit politikkikkut soqutigisalinnut siunniutaapput – namminersortuniit inuussutissarsiutigalugu pisortani atorfilinnut aammalu namminersorlutik suliffeqarfiutilinnut.

 

Kattuffik:

CLH Nalagaaffimmi imminut napatilluni sullissiviuvoq Indenrigs- aamma Socialministeriap ataani. CLH –p tamanut attuumassuteqarnani namminersorluni sullissinera qulakkeerneqarpoq siulersuisoqarnikkut. Siulersuisut amerlaqatigiillutik Innarlluutillit Kattuffiineersuupput aammalu pisortaneerlutik. Kattuffik nammineerluni inatsisitigut piginnaatitaaffeqanngilaq kisiannili sunniuteqartarluni uppernarsaanikkut aammalu assigiimmik pineqarnissaq pillugu ajornartorsiutinik ersarissaasarnikkut.

Kattuffik pilersinneqarpoq 1993 imi aallaavigineqarluni Naalakkersuisut aaliangigaat B43  2. april 1993 imeersoq, innarluutillit innarluuteqanngitsullu assigiimmik pineqarnissaannut aaliangersagaq, tunngavigalugu.

 

Qitiusumik Innarluutillit Kattuffiata allaffeqarfia:

CLH allattoqarfiuvoq taaneqartartoq: Det Centrale Handicapråd.

 

CLH imaanngilaq.......

CLH innarluutilinnut ilaasortanullu kattuffiunngilaq. CLH –p inunnut ataasiakkaanut tunngasut suliarineq ajorpai aammalu  pisortat aaliangigaat allanngortinneq ajorpai. CLH –lli suliat ataasiakkaat inuit siarngutigisartagaat imaluunniit allaaserisartagaat nassuiartarpai qaammarsaatigalugillu, immikkoortitsinernut tunngassuteqaraangata.

 

Allaaserisaq tiguneqarpoq qarasaasiamiit: Center for Ligebehandling af Handicappede pillugit allaaserisamit.

 

Suliarinnittoq:

Siunnersorti

Johanne Olsen.

Innarluutillit Pillugit Ilisimasaqarfik Siunnersuisarfiutigisoq.